47:41  41  CAPUT  IL  42  exiguae  mensurae,  deinde  etiam  inaequalis.  Atque  hodie  nihil  eos  pudet,  in  tanta  evangelii  luce  tales  adhuc  imposturas  venditare,  hoc  certe  non  est  fallere  praestigiis,  sed  caecis  audacter  illudere.  Mundum  vero  a  Satana  fascinatum  esse  palam  est,  qui  tam  crassa  ludibria  non  sentit.  7.  Implete  hydrias  aqua.  Ridiculum  ministris  hoc  praeceptum  videri  potuit,  aquae  enim  iam  erat  plus  satis:  sed  hoc  modo  agere  nobiscum  Dominus  solet,  ut  illustrior  emergat  eius  potentia  ex  insperato  successu.  Quanquam  haec  circumstantia  ad  miraculi  commendationem  addita  est:  nam  quum  ministri  infusa  aqua  vinum  hauriant,  nulla  haerere  potest  suspicio.  8.  Eodem  spectat  quod  vini  saporem  ab  architriclino  probari  voluit  Christus,  priusquam  gustaret  ipse  aut  quisquam  alius  ex  convivis.  Quod  autem  tam  placide  illi  in  omnibus  obtemperant  ministri,  hinc  colligimus  multum  in  eo  fuisse  reverentiae  ac  dignitatis.  Architriclinum  vocat  evangelista,  qui  instruendo  convivio  et  mensis  ordinandis  praefectus  erat:  non  quod  lautum  ac  splendidum  adeo  convivium  fuerit,  sed  quia  honorificae  appellationes  ex  divitum  lautitiis  ac  splendore  etiam  ad  pauperum  nuptias  transferuntur.  Sed  mirum  est  quod  Christus,  frugalitatis  magister,  vini  et  quidem  praestantissimi  magnam  copiam  largitur.  Respondeo,  quum  nobis  quotidie  Deus  largum  vini  proventum  suppeditat,  nostro  vitio  fieri  si  eius  benignitas  irritamentum  est  luxuriae:  quin  potius  haec  temperantiae  nostrae  vera  est  probatio,  si  in  media  affluentia,  parci  tamen  ac  moderati  sumus.  Quemadmodum  Paulus  gloriatur,  se  ad  utrumque  edoctum  esse,  ut  abundare  et  esurire  sciat  (Phil.  4,  12).  l  l  .  Hoc  principium  signorum.  Sensus  est,  hoc  primum  fuisse  ex  Christi  miraculis.  Quod  enim  angeli  pastoribus  ipsum  in  Bethlehem  natum  nuntiarunt,  quod  magis  stella  apparuit,  quod  spiritus  sanctus  in  specie  columbae  super  eum  descendit,  tametsi  haec  miracula  fuerunt,  non  tamen  proprie  ab  ipso  sunt  edita:  hic  autem  de  miraculis  agitur  quorum  ipse  autor  exstitit.  Frivolum  enim  est  ac  ridiculum,  quod  quidam  dicunt  inter  miracula,  quae  Christus  in  Cana  Galilaeae  edidit,  hoc  primum  numerari:  quasi  vero  ad  manifestandam  virtutem  suam  sibi  locum  delegerit,  ubi  nonnisi  bis  fuisse  legitur.  Quin  potius  evangelistae  consilium  fuit,  temporis  ordinem,  quem  in  exserenda  sua  virtute  Christus  tenuit,  notare.  Nam  ad  annum  usque  tricesimum  domi  se,  tanquam  privatus  quispiam  homo,  continuit.  Baptismo  initiatus  ad  obeundam  functionem  suam,  inde  in  lucem  prodire  coepit,  et  palam  claris  documentis  facere,  quorsum  a  patre  missus  foret.  Non  mirum  ergo,  si  primum  divinitatis  suae  specimen  in  tempus  illud  distulit.  Magnum  coniugii