45:41  41  LUC.  L  42  non  tribui  Deo  absolutam  potentiam,  ut  tyrannico  imperio  homines  tanquam  pilas  agitet  ac  verset  sursum  deorsum,  sed  iustam  gubernationem,  cui  subest  optima  ratio,  licet  nos  saepe  fugiat.  Non  enim  Deum  oblectant  mutationes,  ut  per  ludibrium  in  sublime  attollat  quos  protinus  deiicere  statuerit,  sed  rerum  statum  potius  convertit  hominum  pravitas,  quia  nemo  in  eius  arbitrio  et  manu  positam  esse  agnoscit  cuiusque  sortem.  Qui  y  ero  eminent  supra  alios,  non  modo  contumeliose  et  crudeliter  insultant  proximis  suis,  sed  etiam  ferociter  contra  suae  altitudinis  autorem.  Ergo  ut  re  ipsa  discamus,  quidquid  altum  est  in  mundo  et  excellit  Deo  subesse,  totumque  mundum  eius  imperio  regi,  alii  tolluntur  in  sublimem  honoris  gradum,  alii  autem  labuntur  ex  suis  soliis  vel  praecipites  cadunt:  hanc  mutationum  causam  et  finem  assignat  David,  Psal.  107,  20  et  Daniel.  2,  21.  Videmus  sane,  ut  praeter  modum  insolescant  mundi  principes,  ut  diffluant  in  luxuriam,  ut  turgeant  superbia,  ut  eos  prosperae  fortunae  dulcedo  inebriet.  Tantam  ingratitudinem  si  ferre  nequeat  Dominus,  nihil  mirum:  hinc  fit,  ut  plerumque  non  diu  maneant  stabiles,  quos  Deus  in  sublime  extulit.  Iam  rursus  regum  et  principum  splendor  hominum  vulgus  obstupefacit,  ut  pauci  superius  aliquod  numen  esse  cogitent.  Quod  si  ex  utero  sceptrum  afferrent  secum  principes,  et  continua  esset  regnorum  stabilitas,  statim  evanesceret  omnis  Dei  et  eius  providentiae  notitia.  Dominus  ergo,  humiles  in  sublime  tollens,  mundi  superbiam  quasi  in  triumpho  traducit,  et  simul  ad  simplicitatem  ac  modestiam  erudit  suos.  Nunc  tenemus  quorsum  dicat  Maria,  Deum  esse  qui  proceres  deiicit  ex  soliis,  et  infirmos  exaltat:  nempe  ut  doceat,  non  caeco  fortunae  impetu  volvi  et  rotari  mundum,  sed  quaecunque  cernuntur  conversiones  Dei  providentia  accidere,  deinde  ipsum  Deum  summa  aequitate  moderari,  quae  totum  mundi  ordinem  turbare  et  pervertere  iudicia  videntur,  quod  proximo  versu  melius  confirmat:  esurientes,  inquit,  replevit  bonis  et  divites  dimisit  inanes.  Nam  hinc  colligimus,  non  per  se,  sed  ex  causa  mutationes  placere  Deo,  quia  scilicet  magni  et  divites  et  potentes  saturitate  sua  inflati  sibi  arrogant  omnia,  ipsi  autem  Deo  nihil  faciunt  reliquum.  Quare  sedulo  cavendum  est,  ne  rebus  prosperis  efferamur.  Cavenda  etiam  ventosa  carnis  saturitas,  ne  subito  nos  Deus  exinaniat:  piis  vero,  qui  egestatis  suae  conscii  et  quasi  famelici  ad  Deum  suspirant,  non  parum  solatii  affert  haec  doctrina,  quod  Deus  esurientes  bonis  impleat.  54.  Suscepit  Israel  Hoc  postremo  membro  generales  sententias  accommodat  Maria  ad  circumstantiam  praesentem.  Summa  autem  est,  Deum  nunc  quam  olim  pollicitus  salutem  sanctis  patribus  fuerat  praestitisse.  Sed  primum  in  verbo  suscipiendi  concinna  est  metaphora:  sic  enim  collapsus