42:41  41  SUR  LE  XI.  CHAP.  DE  DANIEL.  42  paraison  de  ce  qui  se  fait  maintenant  a  ce  qui  se  faisoit,  il  y  ha  soixante  ans,  nous  trouverons  qu'auiourd'huy  les  tailles  sont  plus  grosses,  environ  dix  fois  qu'elles  n'estoient  alors.  Or  quand  nous  voions  cela,  connoissons  que  c'est  d'autant  que  le  monde  n'a  cesse  de  tousiours  allumer  le  feu  de  la  vengeance  de  Dieu,  et  ainsi  accusons  nous  et  gemissons  devant  luy,  sachans  que  telles  choses  n'aviennent  point  sans  sa  providence,  car  ce  que  nous  oions  en  ce  passage  n'est  point  advenu,  sinon  que  Dieu  eust  ordonne  en  son  conseil,  qu'il  seroit  ainsi  fait  et  execute,  voire  a  cause  des  peches  du  peuple.  Voila  quant  au  roy  Seleuche.  Or  touchant  du  roy  Antiochus  Epiphanes  dont  il  est  fait  mention,  sachons  que  quand  il  se  fust  gouverne  le  plus  honnestement  du  monde  en  son  office,  toutesfois  qu'il  ne  laissoit  pas  desia  d'estre  condamne  de  Dieu,  d'autant  qu'il  avoit  usurpe  le  royaume,  qui  ne  luy  appartenoit  point,  il  y  entre  et  l'occupe  par  flateries.  Ainsi  donc  voila  une  note  que  Dieu  luy  met  comme  pour  le  flestrir,  et  pour  dire  tu  n'es  pas  roy  legitime:  connoissons  donc  par  cela  que  Dieu  ne  veut  point  que  les  hommes  se  ingerent  de  s'introduire  en  quelque  vocation,  sinon  qu'ils  y  soient  appeles,  et  pourquoy?  pource  que  Dieu  condamne  toute  temerite,  et  ne  veut  point  que  nul  s'avance  sinon  entant  qu'il  sera  pousse  de  luy  comme  8.  Paul  en  parle  sur  tout  au  douzieme  des  Romains,  et  nous  voions  cela  notamment  en  la  personne  d'Antiochus  Epiphanes.  Or  cependant  nous  avons  aussi  a  contempler  comme  ceux  qui  ont  mal  commence,  vont  tousiours  de  mal  en  pis.  Car  comme  Antiochus  s'estoit  ingere  par  falaces  et  sous  umbre  de  paix,  en  la  fin  il  ha  domine  en  telle  cruaute  qu'il  ha  ressemble  plustost  a  une  beste  sauvage  qu'a  un  roy.  Ainsi  que  l'ange  le  declare  consequemment.  Or  il  dit  qu'il  viendra  en  une  province  paisible  et  grasse,  et  qu'avec  peu  de  gens  il  se  fortifiera  et  fera  tellement  avec  le  prince,  qu'elle  demourera  sienne,  c'est  a  dire  avec  son  neveu  Ptolomee,  qu'on  appeloit  aimant  sa  mere  Philometor.  Il  vint  donc  avec  un  petit  de  peuple  en  cette  province,  qui  est  Phenice,  qui  estoit  moienne  entre  le  royaume  de  Syrie  et  d'Egypte,  car  durant  les  autres  roys  de  Syrie,  le  roy  d'Egypte  avoit  trouve  moien  de  gaigner  cela,  et  de  mettre  la  patte  sur  quelques  villes  fortes,  qui  estoient  en  ce  pays.  Or  il  est  dit  que  le  roy  d'Egypte  Epiphanes  avoit  usurpe  cette  province,  et  que  successivement  elle  estoit  venue  a  ce  ieune  roy  Ptolomee  Philometor,  mais  cependant  Antiochus  Epiphanes  vient  la  pour  faire  semblant  qu'il  vouloit  appointer  les  deux  freres  ensemble,  a  scavoir  le  roy  d'Egypte  Philometor  et  son  frere,  avec  Cleopatra  leur  seur,  et  faignant  d'estre  leur  ami  il  conspire  tout  cela,  a  fin  de  mettre  la  main  sur  tout  le  royaume  d'Egypte,