4:41  41  LIVRE  III.  CHAPITRE  IL  42  dant  que  nous  regardons  en  Christ,  ils  confessent  bien  que  la  nous  trouvons  pleine  matiere  d'esperance:  mais  pource  que  nous  sommes  tousiours  indignes  des  biens  qui  nous  sont  offerts  en  Iesus  Christ,  ils  veulent  qu'au  regard  de  nostre  indignite  nous  chancellions  et  soyons  en  branle.  En  somme,  ils  mettent  tellement  la  conscience  entre  esperance  et  crainte,  que  maintenant  elle  encline  a  l'un,  maintenant  a  l'autre.  Davantage,  ils  conioignent  tellement  la  crainte  en  l'esperance,  que  la  premiere  esteigne  la  seconde,  quand  elle  est  en  son  regne:  et  que  la  seconde  face  le  semblable  a  son  tour.  Voila  comme  Satan,  quand  il  voit  que  par  mensonge  clair  et  ouvert1)  il  ne  peut  plus  destruire  la  certitude  de  la  foy,  s'efforce  en  cachette  et  comme  par  dessous  terre  la  ruiner.  Or  ie  vous  prie  quelle  sera  ceste  fiance,  laquelle  a  chacun  coup  sera  abbatue  par  desespoir?  Leur  fantasie  est,  qu'en  regardant  Christ  nous  sommes  certains  de  nostre  salut:  en  retournant  puis  a  nous,  que  nous  sommes  certains  de  nostre  damnation;  de  la  ils  concluent  que  la  fiance  et  le  desespoir  doyvent  regner  en  nos  coeurs  a  tour,  comme  si  nous  devions  concevoir  Iesus  Christ  estant  arriere  de  nous,2)  et  non  plustost  habitant  en  nous.  Car  ce  que  nous  esperons  salut  de  luy,  n'est  pas  pource  qu'il  nous  apparoisse  de  loin,  mais  pource  que  nous  ayant  unis  a  son  corps,  il  nous  fait  participans  non  seulement  de  tous  ses  biens,  mais  aussi  de  soy-mesme.  Pourtant  du  fondement  qu'ils  prennent  ie  deduiray  un  argument  tout  au  rebours,  qu'en  considerant  qui  nous  sommes,  nous  voyons  nostre  damnation  comme  a  l'oeil:  mais  entant  que  Iesus  Christ  nous  est  tellement  communique  avec  tous  ses  biens,  que  tout  ce  qu'il  a  est  fait  nostre,  que  nous  sommes  faits  ses  membres,  et  une  mesme  substance  avec  luy.  A  ceste  cause  sa  iustice  ensevelist  nos  pechez,  le  salut  qu'il  a  en  main  abolist  nostre  damnation:  il  be  met  au  devant  avec  sa  dignite,  pour  faire  que  nostre  indignite  n'apparoisse  point  devant  Dieu.  Et  de  fait  la  chose  est  telle,  que  nullement  nous  ne  devons  separer  Iesus  Christ  d'avec  nous,  mais  tenir  fort  et  ferme  l'union  de  laquelle  il  nous  a  conioints  a  soy;  ce  que  nous  enseigne  l'Apostre,  quand  il  dit  que  nostre  corps  est  bien  mort  a  cause  du  peche,  mais  que  l'Esprit  de  Iesus  Christ  qui  habite  en  nous,  est  vie  a  cause  do  sa  iustice  (Rom.  8,  10).  Selon  la  resverie  de  ces  gens  il  devoit  dire  ainsi:  Iesus  Christ  a  bien  la  vie  en  soy:  mais  nous,  entant  que  sommes  pecheurs,  demourons  aux  liens  de  damnation  et  de  mort.  Mais  il  parle  bien  autrement,  car  il  enseigne  que  la  damnation  que  nous  meritons  de  nous-mesmes,  par  le  1)  mensonge  clair  et  ouvert,  le  latin  porte:  apertas  machinas.  2)  arriere  de  nous,  le  latin  dit:  procul  stantem.