39:41  41  IN  IEREMIAM.  CAP.  XXXII.  42  aliqua  ex  parte  esse  Dei  donum  :  sed  semper  imaginantur  cooperatricem  illam  gratiam.  Deinde  quia  perseverantia  secundum  ipsos  est  gratia  Dei  subsequens,  et  quasi  ancilla,  ideo  desinit  gratia  esse,  quia  potius  est  praemium  meriti.  Iam  autem  quid  dicit  propheta?  Dabo,  inquit,  cor  unum,  et  viam  unam,  ut  timeant  me.  Videmus  ut  gratia  Dei  per  se  sit  efficax:  deinde  non  dicit  se  daturum  flexibilem  aliquem  motum,  sed  dicit  se  daturum  cor,  quemadmodum  clarius  deinde  exprimitur  eadem  doctrina.  Videmus  ergo  cor,  id  est,  voluntatem  esse  opus  spiritus  sancti,  et  merum  Dei  beneficium.  Hoc  primo  loco  tenendum  est.  Videmus  deinde  hanc  gratiam  efficaciter  operari  in  hominibus,  nec  modo  dare  illis  optionem  liberam,  sed  actuale  opus,  ut  vulgo  loquuntur,  sequi,  ut  timeant  me.  Iam  additur,  cunctis  diebus.  Hic  etiam  Deus  pronuntiat  perseverantiam  eage  singulare  spiritus  sancti  donum.  Neque  enim  satis  esset  corda  nostra  semel  formata  esse  in  obsequium  eius,  nisi  nos  retineret  in  officio.  Singulis  enim  momentis,  quae  nostra  est  levitas,  excideremus  ab  eius  gratia.  Ergo  opus  est  continuatione.  Hinc  apparet,  non  modo  principium  bonorum  operum  proficisci  a  spiritu  eius,  sed  etiam  usque  ad  finem  ipsum  pergere,  quia  alioqui  nulla  esset  in  nobis  constantia  in  recto  proposito.  Addit,  Ut  bene  sit  ipsis,  et  filiis  ipsorum  post  eos:  quibus  verbis  significat,  Israelitas  sibi  autores  fuisse  omnium  malorum,  quia  non  reveriti  fuerint  Deum,  nec  posse  aliter  feliciter  agere,  nisi  contineantur  sub  Dei  obedientia.  Et  confirmat  propheta  quod  heri  diximus,  nempe  externam  prosperitatem  per  se  fluxam  esse:  ideo  semper  incipiendum  est  a  gratia  Dei.  Quomodo  autem  Deus  est  nobis  propitius?  nempe  si  illum  agnoscimus  patrem,  et  eius  mandatis  obedimus,  hoc  est,  vicissim  praestamus  nos  eius  imperio  morigeros,  quemadmodum  filios  decet.  Nunc  sequitur,  40.  Et  percutiam  (vel,  insculpam,  feriam)  cum  ipsis  foedus  perpetuum,  nempe,  quod  non  discedam  ab  ipsis  (ad  verbum,  de  post  ipsos),  ut  benefaciam  ipsis,  et  timorem  mei  ponam  in  cordibus  ipsorum,  ut  non  discedant  a  me.  Prosequitur  eandem  sententiam:  sed  repetitio  emphatica  est  ad  commendationem  gratiae.  Scimus  enim  ut  homines  semper  opprimere  studeant  laudem  gratiae  Dei,  idque  pro  sua  superbia.  Deus  ergo  ex  opposito  gratiam  suam  pluribus  elogiis  celebrat,  ne  eam  maligne  obscurent  homines.  Dicit  primo,  Feriam  cum  ipsis  foedus  perpetuum.  Notanda  est  antithesis  inter  foedus  legis,  et  inter  foedus  de  quo  nunc  disserit  propheta.  Vocavit  primo  capite  foedus  novum,  et  causam  adiecit,  quia  patres  eorum  subito  defecerant  quum  lex  ipsis  esset  promulgata,