37:41  41  CAPUT  XLI.  42  referunt  ad  regnum  Aegypti,  unde  Iudaei  educti  sunt.  Scimus  enim  quanta  fuerit  illius  populi  gloria,  et  quantum  se  opinione  doctrinae,  antiquitatis,  nobilitatis,  variisque  eiusmodi  dotibus  aliis  praetulerit.  Ego  vero  aliter  interpretor:  nam  refero  ad  electionem  populi,  qui  e  medio  aliarum  nationum  longe  praestantiorum  electus  est.  D  igitur  accipio  pro  Ab,  vel  Prae:  ut  sit  comparatio  inter  Iudaeos  et  alias  nationes.  Quemadmodum  etiam  Moses  (Deut.  7,  7.  8)  ostendit,  non  ideo  electos  esse  ipsos  quod  plures  aut  praestantiores  aliis  populis  essent:  quia  longe  pauciores  erant:  sed  quia  Dominus  dilexit  eos,  et  iusiurandum  servare  voluit  quod  iuraverat  patribus  ipsorum.  Item,  Non  propter  iustitiam  tuam,  aut  rectitudinem  cordis  tui  venis  possidere  terram  (Deut.  9,  5).  Quum  ergo  longe  inferiores  essent  aliis  populis,  nihilominus  electi  sunt.  Unde  magnitudo  amoris  Dei  perspicitur:  nec  quidquam  esse  cur  tot  tantisque  beneficiis  acceptis  tam  benefico  patri  in  posterum  diffidant.  Adiungit  praeterea  huius  gratiae  testimonium  in  lege  fuisse  datum  populo:  quasi  diceret,  non  fuisse  absconditam,  sed  potius  consignatam  publicis  tabulis,  quum  Deus  lege  data  foedus  suum  pepigit.  Nec  enim  quos  Deus  sibi  in  populum  assumpserat  voluit  huc  aut  illuc  vagari,  sed  promissione  salutis  sibi  devinxit.  Quod  postremo  sequitur,  Non  repudiavi  te,  supervacaneum,  imo  intempestive  positum  videtur,  nisi  haec  loquendi  forma  Hebraeis  usitata  esset  :  cui  etiam  inest  non  parum  ponderis.  Exprimit  enim  constantiam  electionis,  ac  si  diceret:  Postquam  te  semel  adoptavi,  non  deserui  te,  nec  destitui,  tametsi  variae  mihi  occasiones  repudiandi  tui  oblatae  sunt.  Tanta  enim  fuerat  Iudaeorum  ingratitudo,  ut  eos  merito  reiicere  posset,  nisi  quia  constare  sibi  voluit.  Quod  autem  de  iis  dicitur  ad  nos  quoque  pertinet.  Nam  perpetua  est  illa  Pauli  sententia:  Dona  Dei  absque  poenitentia  esse  (Rom.  l  l  ,  29).  Etsi  vero  maximam  partem  propter  infidelitatem  abscindat,  reliquum  tamen  facit  aliquod  semen  adoptionis,  ut  in  surculis  quibusdam  vocatio  perseveret.  Nec  enim  pravitate  hominum  electio  Dei  immutari  potest.  Itaque  meminerimus  nos  hac  conditione  electos  a  Deo  esse,  ut  permaneamus  in  eius  familia,  tametsi  possemus  merito  abdicari.  10.  (Ne  timeas,)  Quum  superior  doctrina  eo  spectarit  ut  populus  in  Deo  recumberet,  concludit  propheta  ex  tot  beneficiis  quibus  amorem  suum  patefecit  Dominus,  populo  extimescendum  non  esse.  Et  notanda  diligenter  ratio  quam  subiungit:  quoniam  ego  tecum  sum.  Hoc  enim  solidum  est  fundamentum  fiduciae.  Quod  si  animis  nostris  infixum  erit,  firmis  atque  invictis  adversus  omnis  generis  tentationes  consistere  licebit.  Sicut  ubi  existimamus  Deum  abesse,  aut  dubitamus  an  nobis  adesse  velit,  perturbamur  metu,  et  inter  multas  agitationes  diffidentiae