35:41  41  IOB  CHAP.  XXXIII.  42  avoit  ainsi  regard  a  la  grandeur  des  hommes.  Or  de  prime  face  ceci  pourroit  estre  trouve  dur,  que  Dieu  oste  un  homme  pour  avoir  seulement  magnifie  la  grandeur  de  quelqu'un.  Mais  notons  en  premier  lieu,  quand  Dieu  nous  fait  ceste  grace  de  parler  en  son  nom,  qu'il  faut  bien  que  nous  donnions  autorite  a  sa  parole,  et  que  nous  la  facions  valoir.  Que  si  nous  sommes  tellement  divertis  par  le  regard  des  creatures,  que  nous  ne  parlions  point  franchement  comme  nous  devrons,  n'est-ce  pas  faire  deshonneur  a  Dieu?  Si  un  homme  est  envoye  de  quelque  prince  terrien,  et  qu'il  souffre  qu'on  le  mesprise,  et  qu'il  face  de  la  cane,  et  n'ose  point  porter  le  message  qui  luy  est  commis:  voila  une  laschete  qu'on  ne  pardonnera  point.  Or  Dieu  nous  recoit  a  son  service,  nous  qui  ne  sommes  rien  que  poudre  devant  luy,  qui  sommes  du  tout  inutiles:  il  nous  met  en  ceste  commission  tant  honorable  de  porter  sa  parole,  et  il  veut  qu'elle  soit  portee  avec  toute  autorite  et  reverence:  voila  un  homme  qui  nous  fera  trembler,  tellement  que  nous  deguiserons  ia  verite  de  Dieu  pour  la  convertir  en  mensonge,  ou  bien  nous  la  farderons  en  sorte  qu'elle  n'aura  plus  son  droit  naturel.  Ie  vous  prie  ne  voila  point  un  opprobre  trop  grand  qu'on  fait  a  Dieu?  Et  ainsi  donc  si  la  parole  de  Dieu  ne  se  porte  (comme  i'ay  dit)  en  telle  rondeur  et  liberte,  que  les  hommes  luy  facent  hommage,  il  ne  se  faut  point  esbahir  si  la  punition  est  apprestee,  comme  Eliu  en  parle.  Et  ainsi  nous  avons  a  recueillir  double  instruction  de  ce  passage.  L'une  c'est  pour  ceux  qui  annoncent  la  parole  de  Dieu,  qui  sont  en  cest  office  pour  enseigner  comme  Pasteurs:  que  ceux-la  se  doivent  resoudre  en  telle  constance,  qu'ils  ne  fleschissent  pour  rien  qui  soit:  comme  il  est  dit  a  Ieremie,  qu'il  faut  qu'il  prenne  un  front  d'airain  pour  batailler:  d'autant  que  le  monde  ne  sera  iamais  sans  grande  rebellion,  et  que  ceux  qui  sont  eslevez  en  quelque  dignite  ou  estat  honorable,  ne  se  peuvent  captiver  sous  l'obeissance  de  Dieu,  mais  dressent  tousiours  les  cornes.  Et  quand  les  hommes  se  mescognoissent  tellement,  qu'ils  ne  peuvent  s'assuietir  a  celuy  qui  les  a  creez  et  formez,  il  faut  que  nous  ayons  une  constance  invincible,  et  que  nous  facions  nostre  conte  d'avoir  des  inimitiez  et  des  picques  quand  nous  ferons  nostre  devoir:  cependant  neantmoins  que  nous  poursuivions  sans  fleschir.  Voila  ce  que  nous  avons  a  retenir  de  nostre  coste,  nous,  di-ie,  qui  sommes  constituez  Pasteurs  pour  annoncer  la  parole  de  Dieu.  Or  il  faut  aussi  que  tout  le  peuple  recoive  une  instruction  generale.  Quand  donc  nous  venons  pour  ouir  le  sermon,  n'apportons  point  ici  une  telle  hautesse  pour  nous  rebecquer  contre  Dieu,  quand  nous  serons  redarguez  en  nos  vices.  N'apportons  nulle  amertume