33:41  41  IOB  CHAP.  L  42  chinera  contre  cestui-ey,  et  contre  cestui-la.  Voila  qu'emportent  les  banquets.  Ainsi  donc,  puis  que  les  hommes  sont  tant  enclins  a  vices,  il  est  impossible  qu'il  n'y  ait  de  la  faute,  encores  qu'ils  ne  se  laschent  point  la  bride  du  tout.  Ceux  donc  qui  s'assembleront  pour  complotter  en  toute  malice  et  trahison,  ie  vous  prie,  ne  faut-il  point  qu'il  y  ait  la  comme  un  gouffre  d'enfer?  Ainsi  donc  notons  bien  ce  passage,  a  fin  que  quand  nous  aurons  cogneu  que  les  nommes  sont  tellement  enclins  a  vice,  qu'ils  corrompent  le  bien,  et  le  convertissent  en  mal,  nous  soyons  tant  plus  sur  nos  gardes,  a  fin  que  quand  il  sera  question  de  boire  et  de  manger  les  uns  avec  les  autres,  nous  passions  tousiours  condamnation,  d'autant  que  Dieu  y  est  offense.  Or  il  est  vray  que  nous  ne  devons  point  avoir  des  scrupules,  des  superstitions,  comme  il  y  en  a  qui  ne  mangeront  point  un  morceau  de  pain  en  repos  de  conscience,  quand  on  leur  dira,  qu'il  faut  bien  adviser  a  soy,  la  dessus  il  leur  semble.  Et  bien,  nous  ne  pouvons  ne  boire  ne  manger  sans  offenser  Dieu:  et  puis  quand  ils  ont  fait  de  tels  scrupules,  pour  dire,  nous  pechons,  quelque  chose  que  nous  sachions  faire:  et  a  la  parfin,  bien,  il  faut  donc  nous  desborder  du  tout.  Il  y  en  a  (di-ie)  qui  se  trouveront  tels.  Or  ce  n'est  pas  ainsi  qu'il  nous  en  faut  faire,  et  ce  n'est  pas  la  que  l'Escriture  nous  meine:  mais  soyons  vigilans,  et  faisons  bon  guet,  a  fin  que  nous  ne  soyons  point  surprins.  Quand  nous  serons  assis  a  table  pour  boire  et  pour  manger,  que  nous  prions  Dieu,  luy  demandans  qu'il  nous  face  la  grace  de  nous  tenir  en  telle  sobriete,  qu'estans  nourris  a  ses  despens,  nous  soyons  tant  mieux  disposez  a  le  servir,  que  la  viande  ne  soit  point  pour  nous  charger,  mais  pour  nous  sustanter,  et  nous  donner  vigueur,  a  fin  que  nous  puissions  tant  mieux  nous  employer  au  service  de  nostre  Dieu:  qu'il  nous  face  la  grace  de  passer  par  ces  choses  corruptibles,  a  fin  que  nous  aspirions  tousiours  a  ceste  vie  celeste,  a  laquelle  ll  nous  convie  par  sa  parole:  car  ce  n'est  point  pour  vivre  un  iour,  ou  dix,  ou  cinquante  ans  que  Dieu  nous  entretient  en  ce  monde,  mais  a  ce  que  nous  parvenions  a  ceste  gloire  celeste.  Voila  donc  comme  il  nous  en  faut  faire  :  et  puis  sommes-nous  a  table,  mangeons  pour  estre  refectionnez,  tout  ainsi  comme  si  Dieu  nous  appateloit:  et  combien  que  nous  soyons  en  ce  monde  prenans  nostre  nourriture  de  la  viande,  que  nous  sachions,  Voici  Dieu  qui  se  monstre  pere  envers  nous,  et  nous  testifie  que  nous  sommes  ses  enfans,  ll  a  le  soin  de  ces  povres  corps  icy,  qui  ne  sont  que  pourriture,  et  encores  veut  il  que  son  amour  s'estende  iusques  la.  Que  donc  nous  soyons  resveillez,  et  que  nous  soyons  tant  plus  asseurez  de  la  bonte  de  nostre  Dieu,  et  de  son  amour  paternelle,  quand  nous  voyons  qu'il  nous