32:41  41  PSALMUS  XCVII.  42  ludo  autem  vel  decor  sanctuarii  non  in  argento  vel  auro,  non  in  pretiosa  materia  vel  quadratis  lapidibus,  vel  reliquo  splendore  et  opulentia  situs  erat,  sed  in  imagine  coelestis  prototvpi  qui  Mosi  ostensus  fuerat  in  monte,  Exod.  25,  9.  10.  Dicite  in  gentibus,  Iehova  regnat,  utique  stabilietur  orbis,  non  commovebitur  :  iudicabit  populos  in  rectitudinem,  ll.  Laetentur  coeli,  et  exsultet  terra,  tonet  mare  et  plenitudo  eius.  12.  Exsultet  ager,  et  quidquid  in  eo  est,  simul  iubilent  omnes  arbores  silvae  13.  Coram  Iehovah:  quia  venit,  quia  venit  ad  iudicandam  terram:  iudicabit  orbem  in  iustitia,  et  populos  in  veritate  sua.  10.  (Dicite  in  gentibus.)  Iterum  inculcat,  non  vigere  Dei  cultum  nisi  ubi  ad  regendum  praesidet.  Quamdiu  enim  solium  Dei  fuit  in  angulo  Iudaeae,  cultum  eius  vere  profiteri  non  poterant  gentes,  quum  imperio  non  parerent.  Ergo  regnum  eius  propheta  ad  ultimas  mundi  plagas  extendit,  ut  sub  eius  auspiciis  iu  unum  coalescant  qui  prius  fuerant  dispersi.  Et  per  verbum  dicite  significat  Deum  verbo  suo  et  doctrina  propagari  velle  regni  sui  fines.  Notatu  vero  dignum  est  quod  subiicit  de  stabilitate  orbis.  Etsi  enim  scimus  naturae  ordinem  ab  initio  divinitus  fuisse  positum,  eundem  semper  solem,  lunam  et  stellas  resplenduisse  in  coelo;  iisdem  alimentis  quibus  fideles  sustentatos  fuisse  incredulos,  et  eundem  traxisse  spiritum  vitalem:  tenendum  est  omnia  esse  confusa,  et  horribilem  axaCiav  instar  diluvii  mundum  in  tenebris  demersum  tenere  quamdiu  impietas  hominum  animos  occupat  :  quia  extra  Deum  quid  stabile  esse  potest?  Non  immerito  igitur  docet  hic  locus  stabiliri  orbem,  ut  amplius  non  nutet,  ubi  rediguntur  homines  sub  manum  Dei.  Unde  etiam  discendum  est,  quamvis  suum  officium  peragant  singulae  creaturae,  nihil  tamen  esse  in  mundo  ordinatum,  donec  regiam  sedem  sibi  Deus  figat  regendis  hominibus.  Quae  enim  vastitas  magis  deformis  est,  quam  ubi  creator  ipse  non  agnoscitur?  Iam  utcunque  sibi  placeant  increduli,  semper  tamen  fluctuari  necesse  est,  et  vitam  eorum  pendere  de  filo,  quia  in  Deo  fundatus  non  est  eorum  status.  Atque  hic  memoria  repetere  convenit  quod  vidimus  Psalmo  46,  6:  Deus  in  medio  urbis  sanctae,  ideo  non  commovebitur.  Neque  etiam  displicet,  quum  adhuc  omnia  in  lege  suspensa  essent,  oblique  conferri  cum  illis  praeludiis  plenum  felicitatis  statum  qui  sub  Christo  futurus  erat.  Postea  regnum  hoc  aequitatis  plenum  fore  praedicit,  sicuti  Psalmo  45,  versu  7  vidimus:  Virga  rectitudinis,  virga  regni  tui.  Iudicandi  verbo  quodvis  regimen  notatur  apud  Hebraeos.  Quod  si  Deo  hic  regnandi  modus  est,  ut  vitam  hominum  ad  aequitatem  formet  ac  componat,  primo  colligere