3:41  41  LIVRE  I.  CHAPITRE  I.  42  et  moyenne  est  de  souveraine  blancheur,  pource  qu'il  y  est  ainsi  accoustumé.  Mesmes  on  peut  encores  discerner  de  plus  pres  par  les  sens  corporels,  combien  nous  sommes  abusez  en  estimant  les  forces  et  facultez  de  l'ame.  Car  si  nous  iettons  la  veue  en  bas  en  plein  iour,  ou  que  nous  regardions  à  l’entour  par  cy  par  là,  il  nous  semble  bien  que  nous  ayons  le  regard  le  plus  aigu  que  l’on  pourroit  penser:  mais  si  nous  levons  les  yeux  droit  pour  contempler  le  soleil,  ceste  grande  vivacité  qui  se  monstroit  en  terre  est  incontinent  esblouye,  et  du  tout  confuse  par  la  clarté  qui  la  surmonte:  tellement  que  nous  sommes  contraints  de  confesser  que  la  vigueur  que  nous  avons  à  considerer  les  choses  terrestres,  n'est  que  pure  tardiveté  et  eslourdissement  quand  il  est  question  d'aller  iusques  au  soleil.  Autant  en  advient-il  à  examiner  noz  biens  spirituels.  Car  ce  pendant  que  nous  ne  regardons  point  outre  la  terre,  en  nous  contentant  de  nostre  iustice,  sagesse  et  vertu,  nous  sommes  bien  aises  et  nous  baignons  à  nous  flater,  iusques  à  nous  priser  comme  demi  dieux.  Mais  si  nous  commençons  à  eslever  noz  pensées  à  Dieu,  et  bien  poiser  quel  il  est,  et  combien  la  perfection  de  sa  iustice,  sagesse  et  vertu,  à  laquelle  il  nous  faut  conformer,  est  exquise,  tantost  ce  qui  nous  venoit  fort  à  gré  sous  une  fausse  couverture  de  iustice,  nous  rendra  une  odeur  puante  d'iniquité:  ce  qui  nous  plaisoit  a  merveilles  sous  le  tiltre  de  sagesse,  ne  nous  sentira  que  follie:  et  ce