29:41  41  SUR  LE  DEUTER.  CHAP.  XXXII.  42  nous  enseigne,  si  ce  n'estoit  que  nous  sommes  aveugles  volontaires,  c'est  a  dire,  que  nous  sommes  contens  de  ne  point  savoir  ce  qui  nous  devroit  estre  tout  notoire:  que  si  nous  demeurons  la  enveloppez  en  nostre  ignorance  par  nostre  ingratitude,  que  les  aveugles  nous  seront  tesmoins  suffisans,  et  ne  faudra  plus  que  nous  cerchions  de  subterfuges,  car  ce  sera  en  vain.  Apres  que  nostre  Seigneur  tant  par  sa  bonte  que  par  ses  chastimens  nous  aura  attirez  a  soy,  si  nous  n'y  venons,  et  que  nous  ne  persistions  de  cheminer  en  sa  crainte:  quand  nous  y  serons  venus,  que  ceci  nous  sera  reproche,  et  faudra  que  les  plus  ignorans  du  monde,  les  incredules,  qui  iamais  n'ont  gouste  la  verite  de  Dieu,  que  ceux-la  se  levent  pour  rendre  tesmoignage  contre  nous,  et  pour  nous  tenir  conveincus,  et  pour  couper  broche  a  toutes  excuses.  Voila  donc  ou  nous  en  serons.  Mais  ceci  nous  est  dit,  afin  que  nous  n'attendans  pas  d'estre  condamnez  en  telle  sorte:  mais  si  nostre  Seigneur  auiourd'huy  fait  sentir  sa  vertu  iusques  a  ceux  qui  sont  mesmes  comme  ensorcelez  de  Satan:  que  de  nostre  coste,  puis  qu'il  nous  a  donne  sa  parolle,  non  seulement  pour  lampe,  mais  pour  un  soleil  qui  nous  esclaire,  puis  que  nous  sommes  sollicitez  a  chacune  minute  de  temps  de  penser  a  luy,  de  faire  nostrc  profit  de  ses  oeuvres,  et  d'en  estre  tellement  enseignez  que  ce  soit  pour  estre  confermez  en  la  fiance  de  sa  bonte,  pour  estre  ramenez  en  son  obeissance:  que  nous  appliquions  la  toute  nostre  estude,  et  qu'un  chacun  de  nous  s'y  efforce,  et  que  nous  soyons  iuges  en  une  autre  facon  de  ceux  qui  ont  mesprise  Dieu,  qui  se  sont  gaudis  de  sa  bonte:  que  nous  soyons  di-ie)  leurs  iuges,  suyvant  ce  qui  est  dit,  qu'estans  membres  de  Iesus  Christ  nous  iugerons  tout  le  monde.  Voila  donc  en  quelle  sorte  il  nous  faut  prattiquer  ce  passage,  c'est  que  nous  n'attendions  pas  que  nostre  Seigneur  nous  tienne  conveincus  par  le  tesmoignage  des  infidelles  :  mais  que  nous  soyons  si  bien  disposez  de  cheminer  sous  son  obeissance,  que  nous  ne  demandions  sinon  de  nous  renger  a  ce  qu'il  nous  monstre,  et  qu'un  chacun  en  face  tellement  son  profit,  que  nostre  Seigneur  Iesus  nous  recognoisse  et  advoue  pour  membres  de  son  corps,  et  que  nous  puissions  nous  glorifier  d'estre  des  siens,  quand  ce  viendra  au  dernier  iour.