28:41  41  SUR  LE  DEUTER.  CHAP.  XXII.  42  hommes  s'exercent  en  sa  doctrine,  et  pour  l'appliquer  en  usage.  Puis  qu'ainsi  est  donc,  advisons  a  nous,  et  que  nous  n'abusions  point  de  la  liberte  qui  nous  est  donnee  en  l'Evangile  :  mais  que  nous  ayons  honte,  si  estans  parvenus  en  aage  d'homme,  au  prix  des  peres  qui  ont  vescu  sous  la  Loy,  nous  n'avons  plus  de  prudence,  pour  nous  ranger  a  la  volonte  de  Dieu.  Il  est  vray  que  nous  sommes  bien  petis  enfans  quant  a  nous,  mais  en  comparaison  du  peuple  ancien  nous  devons  estre  grans  et  rassis,  et  plus  meurs.  Que  donc  nous  ayons  honte,  si  nous  sommes  desbauchez?  et  que  la  Loy  de  Dieu  ne  nous  soit  un  lien  pour  nous  retenir.  Advisons  donc  de  nous  maintenir  en  telle  sorte,  que  nous  monstrions  que  ce  n'est  point  sans  cause  que  Dieu  nous  a  separez  a  son  service,  et  que  nous  ne  voulons  point  avoir  une  telle  licence  comme  les  povres  ignorans  et  incredules,  qui  n'ont  nulle  adresse  ne  conduite.  LE  QUATRIESME  SERMON  SUR  LE  CHAP.  XXII.  V.  13.24.  DU  MARDI  14B  DE  IANVIER  1556.  Tout  ce  que  nous  avons  ici  recite  monstre  en  quelle  recommandation  Dieu  avoit  que  chastete  fust  gardee  en  son  peuple.  Et  de  la  nous  pouvons  recueillir,  que  si  les  paillardises  ont  la  vogue  entre  nous,  que  c'est  une  abomination  devant  Dieu,  qui  provoque  son  ire  et  sa  vengeance:  et  faut  qu'un  peuple  soit  maudit,  quand  il  y  aura  licence  de  paillarder,  et  que  ceste  ordure-la  ne  sera  point  purgee.  Voila  donc  en  somme  ou  nous  devons  appliquer  toute  ceste  doctrine.  Cependant  si  nous  faut-il  noter  les  choses  comme  elles  sont  ici  contenues,  pour  appliquer  chacun  poinct  a  son  usage.  En  premier  lieu  nostre  Seigneur  monstre,  que  ce  n'est  pas  raison  qu'un  blasme  soit  mis  sus  a  quelque  personne,  que  cela  ne  soit  chastie.  Car  l'honneur  doit  estre  reserve  a  chacun.  Au  reste,  que  s'il  y  a  homme  ou  femme  qui  se  plaigne  qu'il  soit  accuse  a  tort,  et  qu'on  trouve  neantmoins  qu'il  soit  coulpable,  que  la  punition  soit  double.  Et  c'est  une  Loy  de  laquelle  nous  pouvons  recueillir  bonne  instruction.  Nous  savons  ce  qui  est  dit,  que  la  renommee  vaut  mieux  et  est  plus  precieuse  que  l'or  ne  l'argont.  Et  quand  un  homme  n'aura  nulle  honte,  c'est  signe  qu'il  est  adonne  a  tout  mal.  Cela  donc  est  naturel,  qu'un  chacun  vueille  maintenir  son  honneur.  Vray  est  que  nous  ne  devons  point  estre  adonnez  a  ambition,  comme  ceux  qui  n'ont  rien  devant  les  yeux,  sinon  d'estre  prisez  des