27:41  41  SUR  LE  DEUTER.  CHAR  X.  42  en  nous  reformant  par  son  sainct  Esprit,  et  en  nous  donnant  sa  Loy  de  nouveau  en  nos  coeurs.  Quand  donc  nous  voyons  que  les  hommes  convertissent  la  vie  en  mort,  la  clarte  en  tenebres,  le  bien  en  mal:  helas!  ne  devons-nons  point  estre  plus  que  confus?  Mais  cependant  si  ne  faut-il  point  que  cela  nous  degouste  d'aimer  la  doctrine  de  la  Loy:  et  si  est-ce  que  nous  ne  le  pouvons  pas  faire,  iusques  a  ce  que  Dieu  change  nos  coeurs,  pour  nous  faire  ranger  a  luy,  et  qu'il  nous  ait  fait  nouvelles  creatures  en  nostre  Seigneur  Iesus  Christ  II  est  vray  que  ce  n'est  point  en  vain  que  la  Loy  nous  est  proposee  :  mais  si  faut-il  que  nous  sentions  par  experience,  que  iusques  a  ce  que  Dieu  nous  ait  reduits  a  soy,  la  doctrine  de  sa  Loy  ne  sera  que  pour  nous  condamner.  Mais  quand  il  aura  besongne  en  nous  par  son  S.  Esprit,  nous  cognoistrons  qu'en  nous  proposant  sa  Loy  il  procure  nostre  bien,  et  nostre  salut:  comme  il  en  est  ici  parle  par  Moyse.  Voila  donc  ce  que  nous  avons  a  retenir  de  ce  passage.  Or  Moyse  conferme  encores  mieux  le  propos  que  nous  avons  veu,  c'est  assavoir  que  Dieu  ne  tenoit  point  son  peuple  comme  des  esclaves,  qu'il  ne  les  traittoit  point  rudement  pour  se  venger  d'eux,  et  leur  faire  sentir  le  forfait  qu'ils  avoyent  commis:  mais  il  les  traitte  d'une  facon  douce  et  amiable.  Il  leur  monstre  donc:  l'Eternel  ton  Dieu  a-il  besoin  de  toy?  Megarde  (dit-il)  les  cieux  et  les  cieux  des  cieux  Sont  a  Dieu.  Comme  s'il  disoit:  Vous  pensez  que  Dieu  se  delecte  d'avoir  un  peuple,  comme  s'il  ne  s'en  pouvoit  passer.  Et  n'a-il  point  les  cieux  a  son  commandement:  n'a-il  point  ses  armees  celestes:  n'a-il  point  ses  Anges  par  millions:  n'a-il  point  son  royaume  paisible  aux  cieux  ?  Ainsi  donc  n'imaginez  plus  qu'il  vous  ait  choisis,  comme  s'il  pouvoit  estre  augmente  par  vous.  Quand  il  vous  perdra,  et  abysmera  tous,  son  royaume  cessera-il?  Nenni,  non.  Qu'ainsi  soit,  il  n'a  point  besoin  des  hommes:  et  puis  outre  cela,  la  terre,  et  tout  le  contenu  d'icelle  n'est-elle  point  en  sa  possession?  Pourquoy  donc  est-ce  qu'il  n'a  prins  les  autres  peuples,  et  qu'il  ne  les  a  choisis  pour  soy,  aussi  bien  que  vous?  est-ce  que  vous  fussiez  plus  nobles  ou  plus  grands,  que  vous  eussiez  quelque  dignite  par  dessus  les  autres?  ainsi  qu'il  en  a  este  traitte  au  septiesme  chapitre.  Il  est  certain  que  les  Iuifs  ne  valloyent  pas  mieux:  que  s'ils  eussent  fait  comparaison  avec  les  Payens,  ils  eussent  trouve  que  ils  n'estoyent  point  d'une  race  plus  noble,  qu'il  n'y  avoit  ni  richesse,  ni  vertu,  ne  rien  qui  fust  pour  les  preferer  aux  autres:  qui  est  cause  donc  que  vostre  Dieu  veut  que  nous  soyez  son  peuple,  qu'ayant  delaisse  les  autres  il  vous  a  tendu  la  main  pour  vous  gouverner?  a-il  cerche  son  profit,  ou  son  avantage?  Nenni.  Ainsi,  puis  que  maintenant  vous