26:41  41  SUR  LE  DEUTER.  CHAP.  II.  42  quoy  donc  est-ce  qu'il  les  appelle  a  soy?  C'est  pour  leur  oster  toute  excuse,  pour  descouvrir  leur  malice  et  impiete.  Car  cependant  que  les  hommes  demeurent  cachez,  il  semble  que  Dieu  leur  face  quasi  tort:  mais  quand  Dieu  envoye  sa  parolle,  alors  les  hommes  declairent  quels  ils  sont,  et  leur  incredulite  est  convaincue.  Et  ainsi  apprenons,  que  nostre  Seigneur  sait  bien  qu'elle  sera  Tissue  de  la  predication  de  sa  parolle,  c'est  assavoir,  qu'elle  tournera  en  odeur  de  mort  a  une  grande  partie  :  mais  toutesfois  il  ne  laissera  pas  d'ordonner  que  sa  parolle  se  presche:  et  le  fait  pour  bonne  et  iuste  cause,  afin  que  les  hommes  soyent  tant  plus  condamnez.  Or  cependant  l'office  de  ceux  qui  ont  une  telle  charge,  est,  de  presenter  la  paix  a  tous,  comme  aussi  nostre  Seigneur  Iesus  Christ  dit  a  ses  disciples:  Quelque  part  que  vous  entriez  presentez  la  paix  :  et  si  ceux  qui  vous  oyent  en  sont  indignes,  vostre  paix  retournera  vers  vous.  Comme  s'il  disoit  :  II  n'y  aura  rien  de  perdu,  vous  esprouverez  ce  qui  est  aux  hommes:  et  co  sera  comme  une  touche  que  ceste  salutation  amiable  que  vous  leur  ferez,  afin  qu'ils  ne  puissent  point  dire,  que  Dieu  ne  les  a  point  visitez,  qu'il  n'a  eu  nul  regard  a  eux:  ils  seront  convaincus  qu'ils  ont  reiette  sa  grace.  Or  cependant  nous  sommes  admonnestez,  entant  qu'en  nous  est  de  cercher  la  paix  avec  tout  le  monde,  comme  il  est  dit  au  Pseaume  :  Que  nous  la  devons  mesmes  poursuyvre:  que  ce  n'est  point  assez  que  nous  soyons  amiables,  que  nous  demandions  de  vivre  sans  nuisance,  et  sans  picquer  ne  molester  nul  de  nos  prochains:  mais  encores  que  nous  taschions  de  cercher  la  paix:  si  nous  voyons  qu'il  y  ait  des  gens  rioteux,  que  nous  les  appaisions  le  mieux  qu'il  nous  sera  possible  :  si  nous  voyons  que  Satan  nous  dresse  des  contentions  et  noises,  que  nous  taschions  d'y  remedier  tant  qu'il  nous  sera  possible.  Comme  aussi  nous  voyons  que  nostre  Seigneur  Iesus  Christ  ne  requiert  pas  seulement  des  fideles,  qu'ils  soyent  plaisibles:  mais  qu'ils  taschent  de  mettre  la  paix  par  tout.  Voila  donc  ce  que  nous  devons  faire.  Mais  cependant  il  nous  doit  souvenir  de  ce  que  dit  sainct  Paul:  Que  nous  cerchions  la  paix,  entant  qu'en  nous  sera.  Or  par  ce  mot  ii  nous  console.  Si  d'aventure  nous  ne  pouvons  faire  que  les  hommes  nous  soyent  amis,  encores  qu'ils  n'ayent  dequoy  se  pleindre  de  nous,  que  nous  ne  leur  ayons  fait  ne  tort  ni  iniure:  si  la  dessus  ils  ne  laissent  point  d'estre  pleins  de  malice  et  d'amertume,  nous  avons  dequoy  nous  consoler:  c'est  quand  nous  avons  mis  peine  a  cercher  la  paix.  Et  ainsi,  combien  que  nous  ayons  a  converser  parmi  ceux  qui  ne  demandent  qu'a  nous  tourmenter  et  fascher:  si  ne  faut-il  pas  que  nous  ensuyvions  leur  malice,  que  nous  soyons  semblables  a  eux:  faisons  tousiours  nostre  devoir  d'entretenir  paix  et  amitie.  Et  si  les  hommes  ne  peuvent  estre