22:41  41  INSTRUCTION  ET  CONFESSION  DE  FOY.  42  tiesme  iour  il  se  reposa  :  pourtant  il  a  benist  le  iour  du  repoz  et  la  sainctifie.  Nous  voyons  quil  y  a  eu  trois  causes  dordonner  ce  commandement.  Car  premierement  le  Seigneur  a  voulu  soubz  le  repos  du  septiesme  iour  figurer  au  peuple  dIsrael  le  repoz  spirituel  par  lequel  les  fideles  doyvent  cesser  de  leurs  propres  oeuvres,  affin  de  laisser  oeuvrer  le  Seigneur  en  eulx  mesmes.  Secondement  il  a  voulu  quil  y  eust  un  certain  iour  ordonne  auquel  ilz  sassemblassent  pour  ouyr  sa  Loy  et  faire  ses  ceremonies.  Tiercement  il  a  voulu  estre  permis  un  iour  de  repoz  aux  serviteurs  et  a  ceulx  qui  vivent  soubz  la  puyssance  de  autruy,  affin  quilz  eussent  quelque  relachement  de  leur  labeur,  combien22)  que  cecy  soit  plustost  une  dependence  que  rayson  principale.  Quant  a  la  premiere  cause  il  ny  a  point  de  doubte  quelle  nait  cesse  en  Christ:  car  il  est  la  verite  par  la  presence  de  laquelle  toutes  figures  se  esvanouissent  :  il  est  le  corps  par  ladvenement  duquel  toutes  umbres  sont  delaissees.  Pourtant  S.  Paul  (Coloss.  2)  afferme  le  sabbath  avoir  este  umbre  de  la  chose  future,  la  verite  duquel  il  declaire  ailleurs,  quand  aux  Rom.  6,  il  nous  enseigne  que  nous  sommes  ensevelis  avec  Christ,  affin  que  par  sa  mort  nous  mourions  a  la  corruption  de  nostre  chair.  Et  cela  se  faict  non  pas  en  ung  iour  mais  par  tout  le  cours  de  nostre  vie,  iusques  a  ce  que  du  tout  mors  en  nous  mesmes  nous  soyons  remplis  de  la  vie  de  Dieu.  Doncq  lobservation  superstitieuse  des  iours  doibt  estre  loing  des  chrestiens.  Mais  parce  que  les  deux  dernieres  causes  ne  doibvent  pas  estre  anombrees  aux  umbres  anciennes,  mais  appartiennent  esgallement  a  tous  eages,  le  sabbath  estant  ab  rogue,  toutesfois  encores  entre  nous  cecy  a  lieu  que  nous  convenions  en  certains  iours  pour  ouyr  la  parolle  de  Dieu,  pour  la  fraction  du  pain23)  de  la  Cene  et  pour  les  oraysons  publiques  :  davantaige  affin  que  aux  serviteurs  et  ouvriers  soit  donne  relachement  de  leur  labeur.  Car  selon  quest  nostre  infirmite  cela  ne  se  peult  obtenir  que  telles  assemblees  se  facent  tous  les  iours.  Pour  laquelle  chose  le  iour  observe  par  les  Iuifz  a  este  oste  (ce  qui  estoit  expedient  pour  abolir  la  superstition),  et  un  aultre  iour  a  este  destine  a  cest  usage,  ce  qui  estoit  necessaire  pour  retenir  et  conserver  ordre  et  paix  en  lEglise.  Comme  doncques  aux  Iuifz  estoit  donnee  la  verite  soubz  figure,  ainsi  elle  nous  est  demonstree  sans  umbre.  Cest  premierement  quen  toute  nostre  vie  nous  meditions  ung  perpetuel  sabbath  de  noz  22)  la  fin  manque  dans  le  latin.  23)  mystici  panis.