21:41  41  PAR  THEODORE  DE  BEZE.  ieunesse  l'avoyent  fort  attenue,  et  quand  il  est  venu  aux  affaires,  il  s'est  tousiours  si  peu  respecte  quant  au  travail  de  son  esprit,  que  sans  une  grace  speciale  de  Dieu  voulant  bastir  son  Eglise  par  cest  instrument,  il  luy  eust  este  impossible  de  parvenir  seulement  iusques  a  l'aage  que  les  Medecins  appelent  declinant.  L'an  1558  estant  requis  par  les  Seigneurs  de  Francfort  de  faire  un  voyage  vers  eux  pour  remedier  a  quelques  troubles  survenus  en  l'Eglise  Francoise,  recueillie  un  peu  auparavant  en  ladite  ville,  au  retour  de  ce  voyage  bien  long  et  fascheux  il  eut  une  fievre  tierce  fort  aspre  qui  fut  comme  le  premier  heurt  de  sa  sante  :  tellement  que  l'an  1559  il  fut  assailli  d'une  longue  et  fascheuse  fievre  quarte  durant  laquelle  force  luy  fut  a  son  grand  regret  de  s'abstenir  de  lire  et  de  prescher.  Mais  il  ne  laissoit  de  travailler  a  la  maison  quelque  remonstrance  [page  44]  qu'on  luy  fist,  tellement  que  durant  ce  temps  il  commenca  et  paracheva  sa  derniere  Institution  Chrestienne  Latine  et  Francoise,  de  laquelle  nous  parlerons  en  la  conclusion.  Ceste  maladie  le  laissa  tellement  debilite  que  iamais  depuis  il  n'a  peu  revenir  en  une  pleine  sante.  Ii  traina  tousiours  depuis  la  iambe  droite  qui  par  fois  luy  faisoit  grandes  douleurs.  Ses  anciennes  infirmitez  se  rengregeoyent  aussi,  c'est  assavoir  ses  douleurs  de  teste  et  grandes  cruditez  qui  luy  causoyent  une  defluxion  perpetuelle.  Il  estoit  assailli  des  hemorroides  d'autant  plus  fascheuses  qu'autrefois  par  un  accident  ceste  partie  avoit  este  fort  debilitee.  La  cause  estoit  qu'en  ne  donnant  nul  repos  a  son  esprit  il  estoit  en  perpetuelle  indigestion,  a  laquelle  mesmes  il  ne  pensa  iamais  qu'estant  contraint  par  la  douleur.  Les  coliques  s'ensuyvirent  et  puis  a  la  fin  la  goutte  et  le  calcul.  Outre  cela  pour  s'estre  efforce  et  par  une  defluxion  erodente  il  tomba  en  crachement  de  sang  qui  le  debilitoit  a  l'extremite.  Parmi  tant  de  maladies  c'est  une  chose  estrange  que  ceste  vivacite  d'esprit  estoit  plustost  empeschee  que  diminuee,  et  ceste  dexterite  de  iugement  nullement  alteree.  Il  y  avoit  seulement  ce  mal  que  le  corps  ne  povoit  suyvre  l'esprit,  encores  qu'il  [page  45]  s'efibrcast  par  fois  iusques  a  ce  qu'il  fut  tellement  presse  d'une  courte  halaine  qu'a  grand  peine  pouvoit-il  porter  le  mouvement  de  deux  ou  trois  pas.  Les  medecins  faisoyent  tout  devoir  et  luy  de  sa  part  suyvoit  leur  consail  a  toute  rigueur,  nonobstant  ses  douleurs  et  tant  de  maladies  impliquees.  Mais  c'estoit  en  vain  comme  tousiours  aussi  il  le  disoit,  regardant  le  ciel  et  disant  souvent  ces  mots:  Seigneur  iusques  a  quand?  A  la  fin  donques  il  demeura  tout  plat,  ayant  bien  l'usage  de  parler  mais  ne  pouvant  poursuivre  un  propos  longuement  a  cause  de  sa  courte  halaine:  ce  nonobstant  encores  ne  cessoit-il  de  travailler.  Car  en  ceste  derniere  maladie,  comme  il  a  este  dit