20:41  41  1563  IUN.  42  ceps  Wirtembergensis  libellos2)  spargat  per  Galliam  et  turbas  atque  contentiones  excitet.  Sedulus  est  ille  princeps  et  modis  omnibus  Lutheri  doctrinam  de  coena  Domini,  hoc  est,  Confessionem  Augustanam  cum  Apologia  omnibus  obtrudere  satagit.  Bonus  est  alioqui  princeps,  sed  hac  in  re  mire  festinans.  3)  Exortae  sunt  nunc  turbae  in  Saxonia  propter  Catechismum  Palatini,  4)  his  quidem  eum  approbantibus,  illis  eundem  abominantibus.  Dicunt  hi  principem  factum  esse  Zwinglicum  et  Calvinicum.  Scis  Sulcerum  subscripsisse  Argentinae  in  causa  Zanchi  Augustanae  Confessioni  et  Apologiae.5)  Scis  Uberum  ��)  contra  nostram  doctrinam  scripsisse  librum  de  coena,  in  quo  absurda  sunt  plurima.  In  germanico  exemplo  habet  nomen  Calvini  quod  coniungit  cum  Zwinglii  palam,  sed  in  latino  non  posuit.  Legatus  regis  Galliae7)  multa  mecum  contendit  de  foedere  pangendo  cum  rege,  idque  tuo  iussu,  qui  colloquutus  sis  cum  eo  Basileae  ea  de  re.  Ego  finxisse  illum  omnia  arbitror.  Neque  enim  illi  fidendum  esse  audio.  Librum  Ochini8)  non  legi,  nec  vacaret  legere.  Minime  autem  puto  illum  fecere  cum  Servetanis,  Grybaldistis  et  Blandratistis,  quos  palam  exsecratur.  Et  Thretio  in  Poloniam  profecturo  affirmavit  sancte  se  abominari  Italos  in  Polonia  contra  adorandam  trinitatem  disputantes.  Promisit  etiam  illi  se  daturum  literas  contra  istos  nebulones.  Ac  dedit,  ni  fallor.  Ergo  si  firmas  rationes  diluit  infirmioribus  inscitiae  magis  et  senio  deliro  quam  malitiae  tribuo.  Superioribus  diebus  ex  casu  gravi  mortua  est  eius  uxor,  relictis  illi  liberis  ete.  Admodum  est  miser.9;  Puto  ipsum  afflictissimum  aliis  non  diu  supervicturum.  De  caeteris  scripsi  ad  D.  Calvinum  et  Ionvilleum.  Te  oro  ut  pergas  sedulo  ad  nos  de  rebus  Galliae  scribere.  Vale  et  nos  ama.  12  Iunii  1563.  Bullingerus  tuus.  Non  relegi.  2)  Brentii  Catechismum  gallice  versum  (N.  4009).  3)  vox  dubia.  4)  Cf.  Sudhoff,  Olevian.  p.  140.  5)  N.  3919.  3956  seq.  et  infra  saepius.  6)  N.  3956.  7)  N.  3950.  8)  Dialogi  XXX.  in  duos  libros  divisi.  Basil  1563.  Propter  hunc  librum  a  Turicenstbus  solum  vertere  iussus  est  (Buchat  VI.  566;  Meyer,  Locarno  II.  168;  Benrath,  Ochin.  299.)  9)  Uxor  Ochini  per  scalae  gradus  cecidit.  Ipse  agebat  annum  sextum  supra  septuagesimum*  Liberi  ei  erant  quatuor  aetatis  nequaquam  provectae.  (Meyer  171,  not)