8:409  409  LE  TIERS  SERMON,  REMONSTRANT  COMBIEN  LES  FIDELES  DOIBVENT  PRISER  D'ESTRE  EN  L'EGLISE  DE  DIEU,  OU  ILS  AYENT  LIBERTE  DE  L'ADORER  PUREMENT,  PRINS  SUR  LE  THEME  DU  PSEAULME  XXVII:  Tay  demande  une  chose  a  Dieu,  et  la  requerray,  &esi  d'habiter  en  la  maison  du  Seigneur  tout  le  temps  de  ma  vie,  a  fin  de  veoir  la  beaulte  du  Seigneur  et  de  bien  regarder  son  Temple.  C'est  merveille  de  la  diversite  qu'on  trouve  aux  appetis  des  hommes:  et  toutesfois  il  y  a  un  poinct  auquel  tous  s'accordent  et  sont  conformes,  c'est  de  s'amuser  yci-bas  au  monde.  Chascun  aura  bien  son  but  et  son  moyen  a  part.  Mais  ceste  vanite  regne  partout,  de  ne  cercher  son  bien  et  sa  felicite  sinon  en  ceste  vie  corruptible:  ce  qui  monstre  que  les  hommes  sont  fort  abbrutis.  Car  nous  sommes  creez  en  une  fin  toute  contraire,  c'est  qu'en  conversant  au  monde,  nous  aspirions  au  royaume  celeste  de  Dieu.  Et  voyla  pourquoy  la  vie  presente  est  nommee  passage  ou  chemin.  Parquoy,  quiconque  [f.  39]  ne  se  veult  priver  a  son  escient  de  l'heritage  eternel  de  Dieu,  il  fault  qu'il  commence  par  ce  bout,  de  retrancher  tous  fols  desirs  et  volages,  qui  seroyent  pour  l'occuper  et  tenir  en  ce  monde:  en  sorte  que  son  principal  desir  soit  d'aller  a  Dieu,  et  que  rien  ne  l'empesche  que  pour  le  moins  il  n'y  tende.  Ie  di  pour  le  moins,  d'autant  qu'il  seroit  bien  requis  que  toutes  affections  terriennes,  qui  ne  font  que  nous  distraire  de  Dieu,  fussent  pleinement  arrachees  de  nos  cueurs,  a  fin  que  nous  peussions  courir  viste  en  ce  voyage  que  nous  avons  a  faire.  Mais  pource  qu'il  s'en  fault  beaucoup  qu'il  j  ait  une  telle  purete  en  nous,  il  reste  en  second  lieu  de  surmonter  tous  les  empeschemens  qui  nous  retardent,  et  de  poursuyvre  nostre  train,  quoy  qu'il  en  soit;  tellement  qu'au  milieu  de  nos  infirmitez  nous  preferions  neantmoins  la  vie  celeste  a  tout  ce  qui  est  du  monde.  Il  reste  maintenant  de  veoir  par  quels  moyens  nous  y  povons  parvenir.  Or  ce  n'est  point  a  nous  d'en  forger,  mais  il  nous  fault  prendre  ceulx  que  Dieu  a  ordonnez,  desquels  les  principaulx  sont  y  ci  nommez  par  David,  ascavoir,  l'ordre  et  police  que  Dieu  a  establie  en  son  Eglise,