55:409  409  CAPUT  III.  410  sanctitatis.  Atqui  a  lingua  incipere  debebant,  si  vellent  perfecti  esse.  Quum  autem  nullam  fraenandae  linguae  rationem  habeant,  quin  potius  alios  mordendo  et  lacerando  venditent  fictam  sanctimoniam:  hinc  patet  maxime  omnium  esse  reprehensibiles  quia  primam  virtutem  negligant.  Haec  connexio  mentem  apostoli  nobis  planam  reddit.  3.  Ecce  equis.  Duobus  istis  similibus  probat  magnum  verae  perfectionis  momentum  esse  in  lingua:  eamque  (ut  nuper  dixit)  in  tota  vita  regnum  obtinere.  Primum  linguam  fraeno  comparat:  deinde  navis  gubernaculo.  Si  equus  tam  ferox  animal  ad  sessoris  arbitrium  circumagitur,  quia  fraenatus  est,  non  minus  in  homine  regendo  poterit  lingua.  Ita  et  de  navis  gubernaculo  habendum  est,  quod  totam  eius  molem  una  cum  ventorum  impetu  superat.  Lingua  igitur,  tametsi  pusillum  sit  membrum,  plurimum  tamen  in  vita  hominis  moderanda  pollet.  MeyaXauxetv  Graecis  iactare  se  ac  venditare  significat:  sed  Iacobus  hoc  loco  non  tam  ostentationem  taxare  voluit  quam  dicere,  linguam  esse  magnarum  rerum  effectricem.  Postremum  enim  hoo  membrum  priores  similitudines  accommodat  praesenti  instituto.  Fraeno  autem  et  gubernaculo  non  conveniret  inanis  iactantia.  Significat  ergo  linguam  magna  vi  pollere.  Affectum  dirigentis  verti,  ubi  Erasmus  impetum  transtulit:  opjjri)  appetitum  significat.  Fateor  quidem  hac  voce  notari  apud  Graecos  cupiditates,  quae  rationi  non  obtemperant:  sed  hic  Iacobus  simpliciter  de  arbitrio  naucleri  agit.  Ecce  exiguus  ignis  quantam  silvam  incendit:  6.  et  lingua  ignis  est,  et  mundus  iniquitatis.  Sic  inquam  lingua  constituta  est  in  membris  nostris,  inquinans  totum  corpus,  et  inflammans  rotam  nativitatis,  et  inflammatur  a  gehenna.  Nunc  exponit  incommoda  quae  ex  linguae  intemperantia  proveniunt:  ut  sciamus  linguam  multum  in  utramque  partem  valere.  Ideo  si  modesta  sit  ac  bene  composita,  esse  totius  vitae  fraenum:  si  vero  petulans  et  improba,  quasi  uno  incendio  omnia  corripere.  Exiguum  ignem  ponit,  ut  significet  non  obstare  linguae  suam  parvitatem  quominus  vis  eius  longe  lateque  pateat  ad  nocendum.  Quum  addit  mundum  esse  iniquitatis,  perinde  est  ac  si  vocaret  mare  vel  abyssum.  Et  eleganter  linguae  parvitatem  cum  immensa  mundi  magnitudine  coniungit,  hoc  sensu:  Exilis  carunculae  portio  totum  iniquitatis  mundum  in  se  continet.  6.  Sic  inquam  lingua.  Exponit  quid  sibi  voluerit  per  Mundi  nomen:  quia  scilicet  in  omnes  vitae  partes  diffunditur  illius  contagio.  Vel  potius  ostendit  quid  per  incendii  metaphoram  intellexerit:  nempe  quod  inquinet  totum  hominem.  Mox  tamen  redit  ad  illud  incendium,  quum  dicit,  Accendi  a