54:409  409  SUR  L'EPITRE  A  TITE.  410  que  Dieu  poursuyve  et  continue  a  le  maintenir,  ou  autrement  il  sera  tantost  prive  de  ceste  dignite  qu'il  avoit  receue,  et  de  ce  grand  privilege  d'estre  des  enfans.  Et  ainsi  il  est  requis  que  Dieu  continue  a  nous  faire  misericorde,  ou  autrement  la  grace  qui  nous  avoit  este  donnee  pour  un  iour,  ne  seroit  point  suffisante,  et  n'auroit  point  en  nous  d'effect,  sinon  que  Dieu  distillast  tousiours  de  nouveau  au  dedans.  Cest  en  somme  ce  que  sainct  Paul  nous  a  voulu  enseigner  en  ce  passage.  Et  ainsi  retenons  bien,  quand  il  prie  Dieu  qu'il  face  grace  a  Tite,  que  ceci  n'est  point  superflu,  quand  il  adiouste  la  misericorde.  Car  de  la  vient  la  paix  (comme  desia  nous  avons  touche)  et  toute  nostre  prosperite,  tellement  que  c'est  comme  si  Dieu  nous  envoyoit  la  pluye  du  ciel  pour  arrouser  la  terre  :  et  quand  la  terre  sera  arrousee,  qu'elle  prene  substance  et  vigueur.  Mais  dont  procede  la  pluye?  C'est  du  ciel.  Et  ainsi  tous  les  biens  que  nous  pouvons  souhaiter  nous  vienent  de  ceste  amour  gratuite  de  nostre  Dieu.  Et  au  reste,  quand  nous  avons  a  souffrir  beaucoup  de  povretez,  que  Dieu  nous  exercera  maintenant  en  maladies,  maintenant  en  opprobres,  maintenant  en  dommages  terriens,  il  faut  que  nous  apprenions  de  recourir  tousiours  a  ceste  grace,  et  d'estre  en  repos,  d'avoir  contentement  de  ce  que  Dieu  nous  aime:  que  nous  apprenions  d'addoucir  toutes  nos  tristesses  par  ceste  consolation  que  sainct  Paul  nous  amene  au  huitieme  des  Romains,  qu'a  ceux  qui  aiment  Dieu,  toutes  choses  viendront  en  aide  et  a  bien.  Quand  il  parle  de  ces  choses,  notamment  il  parle  des  afflictions,  des  opprobres,  et  autres  miseres  par  lesquelles  nous  passons  parmi  ��este  vie  terrestre.  Or  ce  n'est  point  sans  cause  aussi  que  sainct  Paul  met  ici  nostre  Seigneur  Iesus  Christ  avec  Dieu  son  Pere,  Car  combien  que  Dieu  soit  autheur  de  tout  bien,  si  est-ce  qu'il  nous  faut  addresser  a  Iesus  Christ,  d'autant  que  sans  cela  il  y  auroit  trop  longue  distance  entre  Dieu  et  nous,  que  nous  ne  pourrions  nullement  approcher  de  luy  pour  gouster  sa  grace  afin  d'en  estre  participans.  Voila  donc  Dieu  le  Pere  qui  nous  envoye  tout  bien,  mais  tant  y  a  qu'il  faut  que  Iesus  Christ  s'approche  de  nous.  Car  la  maieste  de  Dieu  seroit  trop  haute  :  mais  nostre  Seigneur  Iesus  s'est  fait  petit,  voire  il  s'est  aneanti  afin  de  nous  mener  a  Dieu  son  Pere.  Et  afin  que  nous  ne  soyons  point  empeschez  a  le  cercher  fort  loin,  il  est  nostre  Dieu  manifeste  en  chair.  Voila  donc  pourquoy  sainct  Paul  nous  renvoye  a  nostre  Seigneur  Iesus  Christ,  afin  que  par  son  moyen  nous  venions  a  ceste  perfection  de  gloire,  et  a  sa  maieste  divine.  Cependant  notons  aussi  qu'il  baille  le  titre  de  Sauveur  a  Dieu  le  Pere,  et  a  nostre  Seigneur  Iesus  Christ,  mais  c'est  pour  diverses  raisons.  Car  Dieu  le  Pere  est  nostre  Sau-