52:409  409  CAPUT  L  410  aliis  eius  mentionem  hic  Paulus  facit.  Diligenter  hoc  notandum,  non  posse  incolumes  stare  ecclesias  sine  pastorum  ministerio:  proinde  ubicunque  fuerit  aliquod  plebis  corpus,  illic  praeficiendum  esse  pastorem.  Neque  tamen  singulis  oppidis  singulos  attribuit  pastores,  ita  ut  nullus  locus  plus  uno  habeat:  sed  nullas  urbes  vult  pastoribus  destitui.  Presbyteros  vel  seniores  satis  notum  est  non  ab  aetate  dici:  utpote  quum  in  eum  ordinem  interdum  iuvenes  legerentur,  sicuti  Timotheus.  Verum  hoc  omnibus  linguis  semper  receptum  fuit,  sic  vocari  honoris  causa  omnes  gubernatores.  Quum  autem  duplices  fuisse  presbyteros  ex  priore  ad  Timotheum  epistola  colligamus:  contextus  statim  ostendet  hic  non  alios  quam  doctores  intelligi,  hoc  est  qui  ad  docendum  ordinabantur:  quia  eosdem  mox  vocabit  episcopos.  Sed  videtur  nimium  Tito  permittere,  dum  iubet  eum  praeficere  omnibus  ecclesiis  ministros.  Haec  enim  fere  regia  esset  potestas:  deinde  hoc  modo  et  singulis  ecclesiis  ius  eligendi,  et  pastorum  collegio  iudicium  tollitur:  id  vero  esset  totam  sacram  ecclesiae  administrationem  profanare.  Verum  responsio  facilis  est,  non  permitti  arbitrio  Titi  ut  unus  possit  omnia,  et  quos  voluerit  episcopos  ecclesiis  imponat:  sed  tantum  iubet  ut  electionibus  praesit  tanquam  moderator,  sicuti  necesse  est.  Haec  loquutio  satis  trita  est:  si  dicitur  consul,  aut  interrex,  aut  dictator  consules  creasse,  qui  comitia  eligendis  illis  habuit.  Sic  quoque  de  Paulo  et  Barnaba  loquitur  in  Actis  Lucas:  non  quod  soli  praeficerent,  quasi  pro  imperio,  pastores  ecclesiis  nec  probatos  nec  cognitos:  sed  quia  idoneos  homines,  qui  a  populo  electi  vel  expetiti  fuerant,  ordinarent.  Discimus  quidem  ex  hoc  loco,  non  eam  fuisse  tunc  aequalitatem  inter  ecclesiae  ministros,  quin  unus  aliquis  autoritate  et  consilio  praeesset:  nihil  tamen  hoc  ad  tyrannicum  et  profanum  collationum  morem,  qui  in  papatu  regnat,  longe  enim  diversa  fuit  apostolorum  ratio.  6.  Si  quis  a  crimine  immunis.  Ne  quis  Tito  succenseat,  quasi  nimium  sit  morosus  aut  severus  quosdam  repellendo,  totam  in  se  invidiam  Paulus  transfert.  Se  enim  ita  diserte  mandasse  pronuntiat  ne  quis  admittatur,  nisi  qualem  hic  describit.  Ergo  sicuti  nuper  Titum  praefectum  a  se  moderatorem  creandis  pastoribus  fuisse  testatus  est,  ut  hoc  illi  ius  concederetur  ab  aliis:  ita  nunc  quid  praescripserit  narrat,  ne  malorum  calumniis  vel  imperitorum  invidiae  exposita  sit  eius  severitas.  Caeterum  quia  locus  hic  quasi  in  tabula  imaginem  legitimi  episcopi  nobis  depingit,  diligenter  observandus  est.  Quia  tamen  quae  hic  habentur,  in  priore  ad  Timotheum  epistola  omnia  fere  exposui,  nunc  leviter  attingere  satis  fuerit.  'AveyxXiijTOV  intelligit,  non  qui  ab  omni  vitio  sit  immunis  (talis  enim  inveniri  nemo  usquam  posset),  sed  qui  nulla  infamia  notatus  sit