32:409  409  PSALMUS  CXLIV.  410  Hic  vero  aliud  propositum  fuit,  nempe  quum  se  multae  mortes  ingererent,  quae  possent  desperatione  obruere  eius  mentem,  concipere  incredibilem  Dei  virtutem,  cui  omnia  mundi  obstacula  cedere  necesse  est.  Certe  non  frustra  hyperbolicis  istis  loquutionibus  evectus  est,  ne  salutem  suam  includeret  humanis  mediis:  quia  nihil  magis  praeposterum  tunc  fuit,  quam  Dei  virtutem  consuetis  modis  metiri.  7.  (Mitte  manum  tuam  ab  excelso.)  Iam  uno  verbo  intelligimus  quorsum  tendant  priores  figurae,  nempe  ut  cessantibus  terrenis  subsidiis,  manum  suam  e  coelo  Deus  exserat:  quia  periculi  magnitudo  poscebat  inusitatum  iuvandi  morem.  Ideo  hostes  suos  aquis  magnis  et  profundis  comparat.  Quod  alienos  vocat,  non  tam  ad  generis  originem,  quam  ad  ingenium  et  mores  refertur.  Male  enim  hoc  ad  incircumcisos  trahitur,  quum  degeneres  potius  Iudaeos  perstringat  David.  qui  falso  gloriabantur  in  carne.  Et  paulo  post  significat  non  tam  sibi  cum  exteris  esse  negotium,  qui  vi  et  armis  ex  professo  pugnarent,  quam  cum  intestinis  hostibus.  Per  dextram  falsitatis  quidam  intelligunt  temerarios  conatus,  quos  sperabat  David  frustratum  iri.  Alii  restringunt  ad  solennem  iurisiurandi  ritum,  ac  si  vocasset  periuros.  Alii  exponunt,  non  minus  exsequi  manibus  perversa  consilia,  quam  lingua  mentiri.  Sed  quia  in  promissionibus  recepti  moris  fuit,  manus  conserere,  sicuti  dicit  Solomo,  Prov.  l  l  ,  21  et  16,  5:  Manus  ad  manum:  non  dubito  quin  significet  perfidos,  insidiosos,  et  fallaces.  Optime  enim  cohaerent  haec  duo  inter  se,  lingua  fallax,  et  manus  fraudulenta:  ac  si  dixisset,  quidquid  promittant,  nihil  tamen  sperandum  esse:  quia  tantum  fallendi  causa  blande  loquantur,  et  manus  porrigant.  9.  Deus  canticum  novum  cantabo  tibi:  in  nablo,  in  psalterio  psallam  tibi.  10.  Dans  salutem  regibus,  redimens  Davidem  servum  suum  a  gladio  noxio.  l  l  .  Bedime  me,  et  eripe  me  e  manu  filiorum  alieni,  quorum  os  loquutum  est  fallaciam,  et  dextra  eorum  dextra  fraudis.  9.  {Deus  canticum  novum  cantabo  tibi.)  Iterum  collecto  animo  se  ad  gratias  agendas  comparat,  non  dubitans  quin  Deus  ad  extremum  usque  beneficia  sua  tueri  velit.  Diximus  autem  alibi  per  canticum  novum  intelligi  rarum  et  singulare,  unde  sequitur,  plus  sperasse  Davidem,  quam  caperet  humana  ratio:  quia  pro  auxilii  magnitudine  promittit  insolitum  cantici  genus,  quod  insigni  epitheto  a  quotidianis  sacrificiis  separat.  Quantum  ad  Nablon  et  Psalterium,  diximus  alibi  fuisse  hanc  partem  legalis  paedagogiae.  Praecipue  vero  notandum  est  cantici  argumentum,  quod  scilicet  Deus  regum  servator  Davidem  sua  auctoritate  et  mandato  creatum  et  j  unctum  regem  non  modo  tutatus  sit,  sed  redemerit  i