20:409  409  SUPPLEMENTUM.  4IO  silium  nostrum  fuit  formulam  vobis  dictare  cui  praecise  subscribi  vellemus.  Satis  superque  erat,  doctrinam  quam  ex  verbo  Dei  acceptam  tuemur  calculo  vestro  probari.  Neque  agebatur  quam  dextre  vel  argute  a  nobis  tractata  foret.  Imo  crassa  et  omni  artificio  vacua  tractatio  ostendit  non  aliud  fuisse  nobis  propositum  nisi  ut  pravas  hominis  calumnias  refutando  testatum  foret,  nihil  nisi  ex  puro  verbi  Dei  fonte  haustum  nos  docere.  Et  rogaveram  ne  vobis  grave  esset  magistratui  nostro,  quasi  de  re  nova  et  integra,  dare  responsum.  Metuendum  non  erat,  meo  iudicio,  ut  vos  mendacii  quisquam  argueret.  Quid  enim  cogebat  profiteri  de  quo  nemo  quaesierat?  Atqui  vobis  secus  esse  visum  facile  patior.  Quod  modestiam  in  nobis  et  humanitatem  desideratis  inde  factum  esse  colligimus,  quia  literis  nostris  minor  quam  decebat  habita  est  fides.  Utinam  esset  Hieronymus  vir  non  malus,  qualem  vobis  praedicarunt.  Utinam,  quod  videris  in  eo  animadvertisse,  omnia  Dei  gratiae  tribueret.  Sed  qui  tranquillam  ecclesiam  seditiose  turbavit,  qui  exitiali  dissidio  nos  scindere  conatus  est,  qui  ne  levissima  quidem  iniuria  unquam  provocatus  omni  probrorum  genere  nos  oneravit,  qui  publice  criminatus  est  Deo  tyrannicum  imperium  a  nobis  affingi,  imo  poeticum  Iovem  fabricari  Dei  loco:  eum  vestro  patrocinio  defendi  perquam  absurdum  est.  Porro  an  Dei  gratiae  tribuat  omnia  qui  aequalem  omnibus  gratiam  offerri  iactat,  eius  autem  efficaciam,  ex  libero  cuiusque  arbitrio  pendere,  qui  omnibus  promiscue  corda  carnea  dari  garrit,  hoc  est  gratiae  capacia,  ut  autem  quis  gratiam  recipiat  ex  proprio  cuiusque  esse  motu,  ipse  videas.  In  summa  ipsius  causae  vehementer  dolet,  non  meliorem  esse  inter  nos  consensum,  vel  saltem  pleniorem.  Obstupui  sane  quum  in  tuis  literis  legerem,  docendi  genus  quo  utor  multis  bonis  viris  disciplicere  :  sicuti  et  Zuingliano  Hieronymus  offenditur.  Obsecro,  quid  simile  Zuinglii?  Huius  libellus,  ut  familiariter  in  sinum  tuum  loquar,  tam  duris  paradoxis  refertus  est,  ut  longissime  ab  ea  quam  adhibui  moderatione  distet.  Novum  opus  a  me  promitti,  in  quo  Deum  non  esse  peccati  autorem  demonstrandum  suscipiam,  non  recte  interpretatus  es.  Nam  quum  ista  calumnia  me  impostor  gravaret,  eius  refellendae  causa  obieci  quod  verum  erat,  me  edito  libro  satis  testatum  esse  quantum  ab  illa  blasphemia  abhorream  quam  ex  professo  oppugno.  Librum  porro  contra  Libertinos  pridem  editum  notare  animus  fuit.  Et  tamen  huius  nebulonis  improbitas  me  compulit  ut  mox  adversus  Pighium  responsioni  quam  de  praedestinatione  et  providentia  Dei  restabat  attexerem.  Si  errare  tibi  videor,  libenter  abs  te  moneri  patiar.  Caeterum  cur  ingenue  nec  dissimulanter  proferam  quod  mihi  datum  est,  uberius  illis  commemoro.  Hieronymus  ipse  publico  iudicio  in  exsilium  eiectus  est.  Atrociorem  poenam