9:408  ubi  in  hoc  unum  insistit  pius  vir,  qui  absolute  et  indefinite  vocatur  in  scriptura  Deus,  illum  esse  vere  unicum  Deum:  Christum  vero  indefinite  et  absolute  Deum  vocari.  Memineris  hunc  disceptationis  statum  fuisse  Irenaeo,  sicuti  ex  toto  progressu  patet,  ac  praesertim  libri  secundi  capite  46,  non  vocari  patrem  aenigmatice  et  parabolice  qui  vere  non  sit  Deus.  Adde  nonum  caput  libri  tertii,  ubi  coniunctim  tam  filium  quam  patrem  dicit  a  prophetis  et  [pag.  85]  apostolis  praedicatum  fuisse  Deum.  Duodecimo  autem  capite  libri  tertii  docet,  quomodo  Christus,  qui  dominus  est  omnium  et  rex,  et  deus,  et  iudex,  ab  eo  qui  est  Deus  omnium,  acceperit  potestatem,  nempe  subiectionis  respectu:  quia  humiliatus  est  usque  ad  mortem.  Interea  capite  decimo  sexto  eiusdem  libri  tertii  palam  affirmat,  filium  esse  opificem  coeli  et  terrae,  qui  legem  tulit  per  Mosis  manum,  et  patribus  apparuit.  Iam  ut  centies  blateres,  solum  patrem  esse  Deum  Israel,  regerimus  tibi  quod  idem  scriptor  cap.  decimo  octavo  eiusdem  libri  dicit,  Christum  unum  et  eundem  exsistere:  sicut  et  23  capite  ad  Christum  refert  vaticinium  Habacuc  :  Deus  ab  austro  veniet  (Hab.  3,  B).  Eodem  pertinet  quod  legitur  capite  nono  quarti  libri:  Ipse  igitur  Christus  cum  patre  vivorum  est  Deus:  sicuti  et  duodecimo  eiusdem  libri  interpretatur  Abraham  credidisse  Deo,  quia  factor  coeli  et  terrae  et  solus  Deus  sit  Christus.  Nam  quod  expendi  iubes  l)  haec  verba,  filium  esse  in  patre,  et  habere  in  se  patrem,  nescimus  quorsum.  Certe  fidem  nostram  optime  confirmant.  Caeterum  eadem  impudentia  arripis  illud,  mensuram  patris  esse  filium,  quia  et  capit  eum:  quasi  patrem  essentiatorem  constituant.  Nos  vero  hinc  facile  cognoscimus,  te  nunquam  gustasse  in  quem  finem  datus  nobis  fuerit  Christus.  Nam2)  quia  Dei  immensitas  in  filio  a  nobis  concipitur,  [pag.  86]  ideo  vocatus  fuit  mensura.  Tu  autem  phrenetice  hoc  ad  originem  essentiae  trahis.  De  Tertulliano  primum  sic  accipe:  quamvis  asper  ac  spinosus  interdum  sit  eius  sermo,  summam  doctrinae  quam  tuemur  eum  non  ambigue  tradere:  nempe  quum  unus  sit  Deus,  dispensatione  tamen  vel  oeconomia  esse  eius  sermonem  :  unicum  vero  esse  Deum  per  substantiae  unitatem,  et  nihilominus  unitatem  mysterio  dispensationis  in  trinitatem  disponi:  tres  esse  non  statu,  sed  gradu:  nec  substantia,  sed  forma:  nec  potestate,  sed  specie.  Porro  quum  adversus  Monarchicos  disputat,  diserte  pronunciat  everti  Dei  monarchiam,  quum  alia  dominatio  quasi  aemula  superinducitur.  Unde  aperte  colligitur,  ubi  deitatis,  1)  Sic.  Gallus,  Bez.  et  Amst.  Princeps  male:  iubet.  2)  Sic  Beza  et  Amst.  Princeps:  Non.  Item  Gallus.  Le  Fils  n'a  pas  este  appelle  mesure  pource  que  nous  puissions  comprendre  l'infinite  de  Dieu  en  son  Fils.  Quod  contextui  minus  bene  aptari  posse  videtur.