7:408  et  pleniori  patrum  Concilio  l)  et  praesentia  sancita,  et  corroborata  :  statuit  et  decrevit  futuram  Sessionem,  post  praesentem  celebrandam  esse  die  Iovis,  quae  subsequetur  Dominicam  Laetare  proxime  futuram.  Interim  tamen,  non  differri  discussionem  et  examinationem  eorum  quae  ipsi  Synodo  discutienda  et  examinanda  videbuntur.  IN  DECRETUM  TERTIAE  SESSIONIS.  [pag.  84]  Dicas,  altum  nescio  quid  velle  excudere  venerandos  patres,  quum  de  spirituali  armatura  ex  Paulo  concionaDtur.  Sed  ex  monte  inflato,  praeter  inanem  fumum,  nihil  tandem  prodit,  quod  saltem  praesenti  necessitati  serviat.  Nam  fidei  confessioni  duntaxat  subscribunt  quae  in  templis  canitur.  Initio  Ianuarii  primum  decretum  publicaverant:  huius  secundi  publicationem  differunt  in  Februarium.2)  Quid  tam  longa  consultatione  opus  fuit  in  re  liquida?  An  vero  mensis  unius  fuit  haec  inquisitio?  Valde  sedulos  et  laboriosos  in  rebus  arduis  esse  oportet,  qui,  ubi  nihil  est  negotii,  tamdiu  occupantur.  Ergo,  quasi  non  frustra  tempus  consumpserint,  ubi  dies  advenit,  consedere  duces  et  vulgi  stante  corona  alta  voce  pronunciant  se  credere,  de  quo  nihil  esse  controversiae  sciebant  omnes.  Hoc  dicent  ex  ritu  institutoque  veteri  fuisse  factum.  Atqui,  an  nullius  difficultatis  caeremoniola  mensem  integrum  requirebat?  Nimis  certe  puerilis  est  hic  fucus,  dum  sedent  ad  nihil  dicendum,  quo  probent,  se  non  fuisse  otiosos.  Sed  qua  gravitate  pronunciant?  Symbolum,  inquiunt,  profitemur  nos  credere,  ut  est  in  Missali.  Ut  eorum  ineptias  [pag.  85]  non  exagitem,  mirum  nisi  eos  sponte  sui  pudeat.  Quod  multos  praelatos  putabant  ex  variis  partibus  accinctos  esse  itineri,  eos  fefellit  opinio.  Nam  ad  extremum  vix  ad  quadraginta  fuerunt  collecti.  Quare  illam  existimationem,  quam  sperabant  ex  magno  numero,  perdiderunt.  Tametsi,  mea  opinione,  sibi  sunt  iniurii,  dum  paucitati  suae  detrahunt:  nam  tanti  apud  me  est  ipsorum  autoritas,  ut  si  quingentos  praeterea  haberent  sui  similes,  ne  minimum  quidem  momentum  accessurum  sit  ad  pondus.  PRIMUM  DECRETUM  IV.  SESSIONIS  VIII.  APRILIS  1546  CELEBRATAE  CONCILII  TRIDENTINI.3)  Sacrosancta,  oecumenica,  et  generalis  Tridentina  Synodus,  in  Spiritu  sancto  legitime  congregata,  praesidentibus  in  ea  eisdem  tribus  Apostolicae  Sedis  Legatis:  hoc  sibi  perpetuo  ante  oculos  proponens,  ut  sublatis  erroribus  puritas  ipsa  Evangelii  in  Ecclesia  conservetur,  quod  promissum  ante  per  Prophetas,  [pag.  86]  in  Scripturis  sanctis  Dominus  noster  Iesus  Christus  Dei  Filius  proprio  ore  primum  promulgavit:  deinde  per  suos  Apostolos,  tanquam  fontem  omnis  et  salutaris  veritatis,  et  morum  disciplinae,  omni  creaturae  praedicari  iussit:  perspiciensque  hanc  veritatem  et  disciplinam  contineri  in  Libris  scriptis,  et  sine  scripto  traditionibus,  quae  ipsius4)  Christi  ore  ab  Apostolis  acceptae,  aut  ab  ipsis  Apostolis  Spiritu  1)  Haec  leguntur  in  ed.  Gottingensi  Tom  ll.  p.  19.  2)  Versio  gallica  Ianuarii  decretum  secundum  dicit,  Februam  feritum.  3)  Legitur  in  ed.  GotUngensi  Tom  I.  p.  13.  4)  Al  ab  ipsius;  al  ex  ipsius.  sancto  dictante,  quasi  per  manus  traditae,  ad  nos  usque  pervenerunt,  orthodoxorum  patrum  exempla  sequuta,  omnes  Libros,  tam  veteris,  quam  novi  Testamenti,  quum  utriusque  unus  Deus  sit  autor,  nec  non  traditiones  ipsas,  tum  ad  fidem,  tum  ad  mores  pertinentes,  tanquam  vel  ore  tenus  a  Christo,  vel  a  Spiritu  sancto  dictatas,  et  continua  successione  in  Ecclesia  Catholica  conservatas,  pari  pietatis  affectu  ac  reverentia  suscipit  et  veneratur.  Sacrorum  vero  Librorum  indicem  huic  Decreto  ascribendum  censuit,  ne  cui  dubitatio  suboriri  possit,  [pag.  87]  quinam  sint,  qui  ab  ipsa  Synodo  suscipiantur.2)  Sunt  vero  infra  scripti:  Testamenti  veteris,  quinque  Mosis,  id  est,  Genesis,  Exodus,  Leviticus,  Numeri,  Deuteronomium:  Iosueh,  Iudicum,  Buth,  Quatuor  Begum,  duo  Paralipomenon,^  sdr  ae  primus,  et  secundus  qui  dicitur  Nee-  1)  Al.  consilio.  2)  Al  suscipiuntur.