54:408  gratuite,  c'est  a  dire  que  Dieu  ne  nous  peut  pas  recevoir  en  sa  faveur,  sinon  qu'il  ait  pitie  de  nous.  Car  en  sommes-nous  dignes?  Ii  n'y  a  en  nous  que  peche.  Il  faut  donc  que  Dieu  nous  naisse  selon  la  rigueur  de  droit,  que  nous  luy  soyons  detestables,  et  qu'il  nous  desavoue  d'entre  ses  creatures:  mais  quand  il  luy  plaist  d'avoir  compassion  de  nostre  misere,  alors  il  commence  a  nous  aimer,  voire  d'une  bonte  gratuite.  Mais  ici  S.  Paul  adiouste  le  mot  de  misericorde  quant  et  quant,  qui  est  encores  pour  mieux  exprimer  ceste  bonte  dont  nous  parlons.  Car  il  faut  que  Dieu  nous  recoive  a  merci,  voyant  qu'il  n'y  a  en  nous  que  tout  mal  et  perdition  :  s'il  n'estoit  esmeu  de  ceste  compassion-la,  iamais  ne  seroit  induit  a  nous  aimer.  Il  est  vray  que  ceste  misericorde  (a  parler  proprement)  precede  la  grace.  Car  Dieu  regardant  au  genre  humain  n'y  trouve  que  confusion,  d'autant  que  nous  sommes  tous  maudits  en  Adam.  Or  il  est  vray  qu'il  n'a  point  pitie  de  tous  (comme  tnous  avons  declare  ci  dessus),  il  y  a  son  election:  et  comme  dit  Moyse,  ii  fait  misericorde  a  qui  il  la  veut  faire:  pour  couper  broche  a  toutes  disputes,  afin  qu'on  ne  demande  point  la  raison  pourquoy  c'est  que  Dieu  en  use  ainsi,  C'est  (dit-il)  pource  qu'il  le  veut.  Or  tant  y  a  que  ceux  que  Dieu  veut  elire  a  salut,  il  les  regarde  avec  une  affection  pitoyable:  et  la.  dessus  il  les  recoit  en  faveur  par  sa  bonte  gratuite.  Yoila  donc  la  misericorde  qui  va  devant  en  premier  lieu,  et  puis  la  grace  est  coniointe  avec,  et  procede  de  ceste  source  et  fontaine-la.  Mais  ici  sainct  Paul  l'a  mise  apres  la  grace,  voire  pour  mieux  exprimer  comment  c'est  que  Dieu  nous  est  propice:  c'est  ascavoir  apres  qu'il  nous  a  receus  a  misericorde,  ou  bien  pour  monstrer,  encores  que  Dieu  nous  aime,  et  que  nous  soyons  reputez  ses  enfans,  comme  il  nous  a  adoptez:  encores  qu'il  desploye  sa  bonte  sur  nous,  qui  est  un  certain  tesmoignage  de  son  amour,  si  faut-il  maintenant  qu'il  poursuive  et  qu'il  continue  sa  misericorde  iusques  en  la  fin.  Et  pourquoy?  Il  est  vray  que  quand  il  nous  appelle,  quand  ii  nous  tient  de  son  troupeau,  qu'il  nous  gouverne  par  son  sainct  Esprit,  il  ne  permet  point  que  nous  soyons  tousiours  desbauchez  et  esgarez  :  mais  il  nous  reforme  a  son  image,  combien  que  nous  demeurions  tousiours  infirmes,  et  qu'il  y  ait  tousiours  des  vices  et  macules  en  nous.  Et  ainsi  il  faut  que  Dieu  iournellement  nous  face  pardon,  et  qu'il  nous  recoive  a.  merci,  et  qu'il  efface  nos  transgressions  et  offenses,  ou  sans  cela  nous  sommes  incontinent  destituez  de  la  grace  qu'il  nous  a  faite.  Prenons  le  cas  que  Dieu  presente  a  un  homme  pour  un  coup  sa  merci,  et  que  quand  il  l'aura  fait  participant  des  promesses  de  son  Evangile,  il  le  laisse  en  son  estat:  quand  cest  homme-la  seroit  le  plus  parfait  du  monde,  encores  a-il  besoin