47:408  ut  sanguinem  innoxium  fundat  in  eorum  gratiam.  Quod  soli  sacerdotes  et  ministri  eum  ad  crucem  deposcunt,  inde  apparet,  non  fuisse  tantam  in  populo  rabiem,  nisi  quatenus  istis  flabellis  accensa  deinde  fuit.  7.  Responderunt  ei  Iudaei:  Nos  legem  habemus,  et  secundum  legem  nostram  debet  mori,  quia  filium  Dei  se  fecit.  8.  Quum  ergo  audisset  Pilatus  hunc  sermonem,  magis  timuit.  9.  Et  ingressus  est  rursus  in  praetorium,  ac  dixit  Iesu:  Unde  es  tu?  Iesus  autem  responsum  non  dedit  ei.  10.  Dixit  ergo  ei  Pilatus:  Mihi  non  loqueris?  Nescis,  quod  potestatem  habeam  crucifigendi  te,  et  potestatem  habeam  dimittendi  te?  ll.  Respondit  Iesus:  Non  haberes  potestatem  ullam  contra  me,  nisi  tibi  data  esset  desuper.  Propterea,  qui  me  tradidit  tibi,  maius  peccatum  habet.  7.  Nos  legem  habemus.  Significant  se  iure  Christum  persequi,  non  libidine  aut  odio.  Sentiebant  enim  se  oblique  perstrictos  esse  a  Pilato.  Loquuntur  autem  ut  apud  hominem  legis  ignarum,  ac  si  dicerent:  Nobis  permissum  est  more  nostro  vivere,  religio  autem  nostra  non  patitur,  ut  quis  se  pro  filio  Dei  venditet.  Porro  haec  accusatio  non  prorsus  carebat  praetextu,  sed  in  hypothesi  graviter  errabant.  Generalis  quidem  doctrina  vera  erat,  fas  non  esse  hominibus,  quidquam  sibi  divini  honoris  sumere,  ac  morte  esse  dignos,  quicunque  ad  se  traherent,  quod  unius  Dei  proprium  erat.  Causa  autem  erroris  in  Christi  persona  fuit,  quod  neque  reputarunt  quibus  elogiis  Messiam  praedicet  scriptura,  quia  inde  colligere  promptum  erat  esse  filium  Dei,  nec  etiam  inquirere  dignati  sunt,  essetne  Iesus  ille  Messias  olim  a  Deo  promissus.  Videmus  ergo,  ut  ex  vero  principio  falsam  consequentiam  deducant,  quia  male  subsumunt.  Quo  exemplo  monemur,  inter  doctrinam  generalem  et  hypotheses  sedulo  distinguere.  Multi  enim  imperiti  et  leves  homines,  si  semel  decepti  fuerint  veri  praetextu,  ipsa  quoque  scripturae  principia  reiiciunt,  quae  licentia  hodie  plus  iusto  in  mundo  grassatur.  Meminerimus  ergo  sic  cavendum  esse  a  fallaciis,  ut  principia  quae  vera  eunt  integra  maneant,  nec  labefactetur  scripturae  fides.  Rursum  hoc  modo  facile  refutare  impios  licebit,  qui  scripturae  testimonium  et  quae  inde  sumunt  principia  malis  causis  falso  et  perperam  obtendunt.  Sicuti  quum  hodie  papistae  ecclesiae  autoritatem  magnifice  extollunt,  nihil  afferunt  in  quo  non  consentiant  omnes  filii  Dei.  Ecclesiam  esse  fidelium  matrem,  esse  columnam  veritatis,  esse  audiendam,  regi  a  spiritu  sancto  contendunt:  nihil  horum  negandum  est,  sed  quum  trahere  ad  se  volunt  quidquid  iuris  ecclesiae  debetur,  improbe  et  sacrilega  audacia  rapiunt  quod  nihil  ad  se  pertinet.  Nam  hypothesin  expendere  convenit,  an  ipsi  ecclesiae  titulum  mereantur.  Hic  autem  prorsus  defi-