20:408  4163.  CALVINUS  BULLINGERO.  Libello  eius  Begem  aegre  placatum  iri  praevidet  Aegrius  fert  in  negotio  Bolseci  Turicenses  non  tam  fortiter  ab  ipsius  partibus  stetisse  atque  speraverat  (Ex  Codice  recens  in  bibliothecam  civicam  Turicensem  relato  in  nostrum  usum  descripsit  vir  doctissimus  et  humanissimus  A.  S.  Voegelin,)  Ornatissimi)  viro  et  eximio  Christi  ministro  D.  Heinricho  Bullingero  Tigurinae  ecclesiae  pastori  fratri  et  symmystae  colendissimo.  S.  Et  sedulo  in  placanda  Pharaonis  nostri  saevitia  miserisque  fratribus  iuvandis  laborasti:  *)  in  eo  scilicet  te  eundem  esse  probasti  quem  te  hactenus  praestare  solitus  es.  Satis  enim  memoria  teneo  quam  fideliter  semper  et  strenue  in  hanc  causam  incubueris.  Quanquam  non  abs  re  vereor  ne  literis  parum  profectum  sit,  quas  eludere  aulicis  novum  non  est.  Imo  hoc  mihi  nuper  in  aurem  confessus  est  Regis  legatus,  quum  iter  hac  faceret.  Homine  itaque  opus  foret  si  quid  impetrare  volumus.  Qua  de  re  agitatum  Badenae  fuisse  audio.  Sed  illa  forte  deliberatio  evanuit.  De  tua  fide  et  diligentia  ita  sum  persuasus  ut  supervacaneum  censeam  verbo  uno  te  stimulare.  In  altero  negotio  utinam  ita  satisfactum  nobis  foret  ut  sine  exceptione  gratias  tibi  et  collegis  agere  possemus.  Sed  quia  non  sine  acerbo  dolore  experti  sumus,  minus  aliquanto  esse  in  vobis  auxilii  quam  pollicitus  sibi  quisque  nostrum  fuerat  ingenue  apud  te  id  conqueri  malo,  quam  offensionem  intus  premendo  alere.  Scribis  vos  miratos  esse  cur  ab  improbo  et  protervo  nebulone2)  vexati  de  doctrina  quam  calumniabatur  vestram  sententiam  rogaverimus.  Longe  nos  fefellit  opinio.  Nam  quum  ille  nos  impiae  doctrinae  reos  egisset,  iudicium  vobis  honoris  causa  detulimus.  Hoc  vobis  cur  molestum  esse  debuerit  non  video.  Certe  utcunque  aliquid  laboris  subeundum  foret,  vobis  tamen  non  adeo  ingratum  putavi  fore  onus  quod  fratribus  levationis  tantundem  afferret.  Scribis  grave  esse,  simpliciter  disputationibus  subscribere,  praesertim  quum  illic  inveniantur  quae  lector  aliter  et  forte  commodius  tractari  posse  existimet.  Atqui  neque  unquam  credidi  neque  hodie  etiam  arbitror,  vos  ex  eorum  esse  numero  quibus  tantopere  sua  placeant  ut  aliorum  nihil  legant  sine  fastidio.  Nec  vero  con-  4163.  1)  edito  libello  de  Perfectione  christianorum  (N.  1534.  1545).  2)  Bolseco.