8:407  407  QUATRE  SERMONS.  408  pas  en  vain  qu'il  a  taxe  nostre  vie  d'un  si  hault  pris.  Cependant  qu'il  ne  nous  face  point  mal  qu'elle  serve  a  ratifier  l'Evangile,  qui  surmonte  en  dignite  le  ciel  et  la  terre.  Et  pour  estre  mieulx  asseurez  que  Dieu  ne  nous  laisse  pas  en  la  main  des  tyrans  comme  a  l'abandon,  souvenons-nous  de  la  sentence  de  Iesus  Christ,  ou  il  dit  (Actes  9,  4)  que  c'est  luy  qu'on  persecute  en  ses  membres.  Dieu  avoit  bien  dict  au  paravant  par  Zacharie  (2,  8):  Qui  vous  touche,  il  touche  la  prunelle  de  mon  oeil.  Mais  ceci  est  encores  plus  expres:  Que  si  nous  souffrons  pour  l'Evangile,  c'est  autant  comme  si  le  Fils  de  Dieu  y  estoit  en  personne.  Parquoy,  scachons  qu'il  fauldroit  que  Iesus  Christ  se  fust  oublie,  s'il  ne  pensoit  de  nous  quand  nous  sommes  en  prison  ou  en  danger  de  mort  pour  sa  querelle:  et  scachons  que  Dieu  prendra  a  cueur  tous  les  oultrages  que  nous  feront  les  tyrans,  comme  s'ils  s'estoyent  attachez  a  son  propre  Fils.  Venons  au  second  poinct  que  Dieu  nous  declare  en  ses  promesses,  pour  nous  consoler:  c'est  qu'il  nous  [f.  37]  soustiendra  tellement  par  la  vertu  de  son  Esprit,  que  nos  ennemis,  quoy  qu'ils  facent,  ne  mesme  satan  leur  chef,  ne  gaignera  rien  sur  nous.  Et  de  faict,  nous  voyons  comme  il  desploye  ses  graces  en  un  tel  besoing;  car  la  constance  invincible  qui  est  aux  vrais  Martyrs,  est  une  assez  belle  monstre  que  Dieu  besongne  puissamment  en  eulx.  Il  y  a  deux  choses  fascheuses  a  la  chair  aux  persecutions,  ascavoir  le  vitupere  et  opprobre  des  hommes,  et  les  tormens  que  le  corps  endure.  Or  Dieu  nous  promet  de  nous  tenir  si  bien  la  main,  que  nous  vaincrons  l'un  et  l'autre  par  patience.  Il  nous  approuve  par  effect  ce  qu'il  nous  dit.  Prenons  donc  ce  bouclier  pour  repoulser  toutes  craintes,  desquelles  nous  sommes  assaillis,  et  ne  restraignons  point  la  vertu  de  l'esprit  de  Dieu  a  si  petite  mesure,  que  nous  n'estimions  qu'il  surmontera  aiseement  toutes  les  cruaultez  des  hommes.  Et  de  ceci,  nous  en  avons  eu  de  nostre  temps  un  exemple  memorable  entre  les  autres.  Un  ieune  homme,  qui  a  yci  habite  avec  nous,  estant  prins  en  la  ville  de  Tournay,  fut  condamne  a  avoir  la  teste  tranchee  s'il