8:406  non  point  pour  les  specifier  toutes  par  le  menu,  mais  pour  monstrer  les  choses  principales  que  Dieu  veult  que  nous  esperions  de  luy,  pour  nous  consoler  en  nos  afflictions.  Or  ces  choses  sont  trois  en  somme.  La  premiere  est,  d'autant  que  nostre  vie  et  nostre  mort  sont  en  sa  main,  qu'il  nous  preservera  tellement  par  sa  vertu,  qu'un  cheveul  ne  nous  sera  point  arrache  de  la  teste,  que  par  son  conge.  Pourtant  les  fideles  se  doibvent  tenir  asseurez,  en  quelques  mains  qu'ils  soyent,  que  Dieu  ne  s'est  point  dessaisi  de  la  garde  qu'il  ha  de  leurs  personnes.  Si  une  telle  persuasion  nous  estoit  bien  imprimee  aux  cueurs,  nous  serions  delivrez  de  la  plus  grand'  part  des  doubtes  et  perplexitez  quLnous  tormentent,  et  empeschent  de  faire  nostre  debvoir.  Nous  voyons  les  tyrans  desbridez  :  sur  cela,  il  nous  semble  que  Dieu  n'ha  plus  moyen  de  nous  sauver.  Parquoy  nous  sommes  tentez  de  pourvoir  a  nos  affaires,  comme  s'il  n'y  avoit  plus  nulle  attente  quant  a  luy.  Au  contraire,  sa  providence,  telle  qu'il  nous  la  declare,  nous  debvroit  estre  comme  une  forteresse  imprenable.  Travaillons  donc  d'apprendre  ce  petit  mot:  que  nos  corps  sont  en  la  main  de  celuy  qui  les  a  creez.  Pour  ceste  cause,  il  a  quelque  fois  delivre  les  siens  d'une  facon  miraculeuse,  et  oultre  toute  l'esperance  des  hommes,  [f.  36]  comme  Sidrach,  Misach  et  Abdenago,  de  la  fournaise  ardente,  Daniel,  de  la  fosse  des  lions;  Pierre,  de  la  prison  d'Herodes,  ou  il  estoit  enserre,  enchaine  et  garde  de  si  pres.  Par  ces  exemples,  il  nous  a  voulu  testifier  qu'il  tient  nos  ennemis  en  bride,  combien  qu'il  ne  le  semble  pas,  et  ha  puissance  de  nous  retirer  du  milieu  de  la  mort  quand  il  vouldra.  Non  pas  qu'il  le  face  tousiours:  mais  en  se  reservant  l'authorite  de  disposer  de  nous  a  vie  et  a  mort,  si  veult-il  que  nous  soyons  tous  resolus  qu'il  nous  ha  en  sa  garde:  tellement  que,  quoy  que  les  tyrans  attentent,  et  de  quelque  fureur  qu'ils  se  ruent  contre  nous,  que  c'est  a  luy  seul  d'ordonner  de  nostre  vie.  S'il  permet  aux  tyrans  de  nous  occire,  ce  n'est  pas  que  nostre  vie  ne  luy  soit  chere,  et  en  plus  grande  recommandation  cent  fois  qu'elle  ne  merite.  Qu'ainsi  soit,  ayant  prononce  par  la  bouche  de  David  (Pseaulme  116,  1),  que  la  mort  des  Saincts  est  precieuse  devant  luy,  il  dit  aussi  par  la  bouche  d'Esaie  (26,  21),  que  la  terre  descouvrira  le  sang  qui  semble  estre  cache.  Que  les  ennemis  donc  de  l'Evangile  soyent  prodigues  tant  qu'ils  vouldront  du  sang  des  Martyrs,  si  feuldra-  il  qu'ils  en  rendent  un  terrible  compte,  iusques  a  la  derniere  goutte.  Ils  se  mocquent  auiourd'huy  orgueilleusement  en  bruslant  les  fideles,  et  apres  s'estre  baignez  en  leur  sang,  ils  en  sont  tellement  enyvrez,  qu'ils  n'estiment  point  tous  les  meurtres  qu'ils  font  un  festu.  Mais  si  nous  avons  la  patience  d'attendre,  Dieu  monstrera  en  la  fin  que  ce  n'est  26*