54:406  Ia  promesse  qui  est  donnee,  que  Dieu  suscitera  benediction  par  le  moyen  d'Isaac:  il  s'en  mocque:  car  il  luy  semble  que  ce  soit  assez  qu'il  soit  le  premier-nay.  Or  il  faut  qu'avec  tout  cela  il  soit  banni  de  la  maison,  non  point  seulement  de  son  pere  Abraham,  mais  plustost  de  Dieu,  et  qu'il  soit  renvoye  comme  prophane.  Et  voila  un  membro  pourri:  et  tout  ce  qu'il  a  eu  auparavant  est  venu  a  rien,  dit  S.  Paul.  Or  il  applique  cela  a  nostre  instruction  commune,  disant  que  quand  la  parole  de  Dieu  se  presche,  beaucoup  Pauront  qui  n'en  pourront  pas  faire  leur  profit,  pource  qu'ils  ne  sont  point  engendrez  en  liberte,  qu'ils  ne  sont  point  illuminez  par  l'Esprit  de  Dieu,  qu'ils  ne  recoyvent  point  les  promesses  gratuites  de  leur  salut,  qu'il  n'y  a  point  une  vraye  foy  et  vive,  qui  prene  racine  en  leurs  coeurs.  Ceux-la  donc  seront  bien  reputez  enfans  de  Dieu:  mais  il  n'y  a  nulle  semence  legitime  en  eux,  il  n'y  a  qu'une  apparence  visible,  il  n'y  a  que  comme  une  chose  formee  sans  substance.  Et  s'ils  s'en  glorifient  pour  un  temps,  il  ne  s'en  faut  point  esbahir:  car  cela  s'est  fait  en  Ismael,  mais  il  a  falu  en  la  fin  qu'il  ait  este  dechasse.  Ainsi  sera-il  de  tous  ceux  qui  a  faux  titre  se  renomment  du  peuple  de  Dieu,  et  que  ceux  qui  ont  este  vrayement  engendrez  soyent  retenus,  et  que  ils  iouissent  de  l'heritage  de  salut.  Ainsi  donc  apprenons  de  n'avoir  point  seulement  le  titre  d'enfans,  mais  que  nous  soyons  reputez  pour  vrais  enfans  et  legitimes.  Et  cela  se  fera  quand  nous  ferons  tellement  nostre  profit  de  la  doctrine  do  l'Evangile,  qu'elle  aura  une  droite  racine  en  nous,  et  qu'elle  produira  ses  fruits,  que  nous  prendrons  garde  a  n'estre  point  bastars.  Quand  donc  nous  irons  en  telle  sorte,  Dieu  nous  retiendra  tousiours  du  nombre  et  de  la  compagnie  des  siens.  Sinon,  advisons  a  nous:  car  nous  aurons  beau  nous  glorifier  de  ce  titre  de  fideles  ou  Chrestiens,  telle  couverture  ne  nous  servira  rien,  ni  telle  vanterie:  car  ce  qui  a  este  accompli  en  Ismael  nous  adviendra.  Et  ainsi  nous  voyons  que  S.  Paul  n'a  point  parle  seulement  en  la  personne  d'un  homme,  mais  en  general  il  a  donne  ici  une  instruction  utile  a  toute  l'Eglise,  afin  que  sous  l'exemple  de  Tite  nous  soyons  vrais  enfans,  et  que  nous  portions  la  marque  de  ceux  qui  ont  este  engendrez  par  la  doctrine  de  salut,  tellement  qu'ils  recoyvent  la  grace  de  Dieu,  et  la  font  valoir,  et  ne  se  contentent  point  seulement  du  titre,  mais  aussi  ont  la  substance  et  la  verite.  Or  cependant  sainct  Paul  adiouste,  Que  cela  est  selon  la  foy  commune  qu'ils  ont  ensemble.  Et  c'est  comme  pour  comprendre  ce  que  nous  avons  veu  qu'il  s'appelloit  pere,  afin  qu'on  cognust  qu'il  ne  s'elevoit  point  pour  obscurcir  la  gloire  de  Dieu,  ni  pour  amoindrir  la  dignite  de  nostre  Seignenr  Iesua  26*