52:406  aliter  sentire  cogor:  nempe  quod  a  multis  retro  saeculis  vita  aeterna  hominibus  promissa  fuerit:  neque  iis  modo  qui  tunc  vivebant,  sed  in  nostram  quoque  aetatem.  Neque  enim  soli  Abrahae  consulit  Deus,  quum  dicit  (Gen.  22,  18):  In  semine  tuo  benedicentur  omnes  gentes,  sed  posteros  omnes  respicit.  Nec  obstat  quod  secundae  ad  Timotheum  primo  capite  datam  fuisse  salutem  dicit  ante  tempora  saecularia,  diverso  sensu.  Eadem  enim  nihilominus  est  verbi  significatio  utroque  loco.  Nam  quum  a!(bv  Graecis  continua  sit  temporis  series  ab  initio  ad  finem  usque  mundi,  illic  Paulus  datam  vel  ordinatam  fuisse  salutem  electis  Dei  tradit,  antequam  fluere  coeperint  tempora.  Hic  vero  quia  de  promissione  tractat,  non  omnia  saecula  comprehendit,  ut  nos  abducat  extra  mundi  creationem:  sed  docet  multa  saecula  praeteriisse  ex  quo  salus  fuit  promissa.  Si  quis  brevius  malit,  s  a  e  c  u  l  a  r  i  a  tempora  pro  saeculis  ipsis  accipere  licet.  Sed  quoniam  prius  aeterna  Dei  electione  data  fuit  salus  quam  promissa:  ideo  in  loco  illo  epistolae  ad  Timotheum  prior  omnibus  saeculis  donatio  statuitur:  et  ita  subaudienda  est  nota  universalis.  Hic  vero  nihil  aliud  significat  quam  promissionem  longo  saeculorum  ordine  antiquiorem  esse:  quia  statim  a  condito  mundo  coepit.  Eodem  sensu  ad  Rom.  capite  1,  2  evangelium,  quod  suscitato  demum  ex  mortuis  Christo  publicari  debuit,  promissum  in  scripturis  per  prophetas  fuisse  docet.  Plurimum  enim  a  praesenti  gratiae  exhibitione  differt  patribus  facta  olim  promissio.  Qui  mentiri  non  potest  Epithetum  ac|;eu5$)c  non  tam  ornando  Deo  quam  fidei  nostrae  confirmandae  additum  est.  Et  certe  quoties  de  salute  nostra  agitur,  nobis  in  mentem  venire  debet,  eius  verbo  fundatam  esse,  qui  nec  fallere  potest  nec  mentiri.  Imo  haec  unica  est  totius  religionis  comprobatio,  immutabilis  Dei  veritas.  3.  Manifestavit  autem.  Erat  quidem  iam  haec  aliqua  manifestatio,  quum  olim  Deus  per  prophetas  suos  loquutus  est:  sed  quia  palam  adventu  suo  exhibuit  Christus,  quae  illi  obscure  praedixerant:  deinde  gentes  in  foederis  societatem  ascitae  fuerunt:  hoc  sensu  nunc  manifestatum  esse  dicit  Paulus,  quod  prius  tamen  aliqua  ex  parte  ostensum  fuerat.  Tempora  propria  idem  hic  significant,  quod  ad  Galat.  4,  4  plenitudo  temporum.  Admonet  enim  hoc  maxime  opportunum  agendi  fuisse  tempus,  quum  Domino  agere  placuit:  ut  hominum  temeritati  occurrat,  qui  semper  inquirere  audent  cur  non  citius,  cur  potius  hodie  quam  cras.  Ergo  ne  praeter  modum  simus  curiosi,  tempora  in  manu  arbitrioque  Dei  sic  posita  esse  docet,  ut  nihil  non  ordine  ae  tempestive  agere  censendus  sit.  Sermonem  suum.  Vel  subaudienda  est  praepositio  per  (quod  Graeci  snon  est  insolens),  vel  ser-  26*