47:406  sensu  metiuntur  arcanam  Dei  sapientiam?  Quod  autem  irrisorie  loquutus  sit  Pilatus,  hinc  apparet,  quod  statim  egreditur.  In  summa  Christo  succenset,  quia  veritatem  se  proferre  iactet,  quae  prius  in  tenebris  latuerit.  Haec  tamen  eius  indignatio  demonstrat,  impios  nunquam  adeo  morose  reiicere  evangelii  doctrinam,  quin  aliqua  eius  efficacia  tangantur.  Nam  etsi  non  eousque  progressus  est  Pilatus,  ut  docilem  se  praebeat,  cogitur  tamen  intus  punctionem  aliquam  sentire.  39.  Est  autem  consuetudo  vobis.  Hoc  Pilatus  semper  animo  volvebat,  qualiter  eriperet  Christum  a  morte.  Quum  autem  tantopere  arderet  populi  furor,  mediam  viam  tenebat,  qua  iratos  animos  placaret  Putabat  enim  hoc  satis  fore,  si  Christus  pro  malefico  dimissus  perpetua  ignominia  notatus  esset.  Ideoque  Barabbam  praecipue  deligit,  ut  eius  comparatione  Christi  odium  mitiget.  Erat  enim  ob  scelerum  atrocitatem  omnibus  maxime  infensus.  Quid  enim  detestabilius  est  latrone?  Et  Lucas  commemorat  aliis  etiam  criminibus  fuisse  reum.  Quod  autem  eum  Christo  praeferunt  Iudaei,  non  absque  singulari  Dei  providentia  accidit.  Minime  enim  decuit  tam  indigno  pretio  a  morte  liberari  Dei  filium.  Interea  in  extremam  ignominiam  morte  deiectus  est,  ut  Barabba  dimisso  medius  inter  duos  latrones  crucifigeretur.  Quia  omnium  scelera  in  se  susceperat,  quorum  non  aliter  peragi  poterat  expiatio,  et  gloria  resurrectionis  quae  mox  sequuta  est  effecit  ut  mors  quoque  ipsa  magnificus  esset  triumphus.  Porro  in  ista  consuetudine  turpe  et  crassum  fuit  vitium,  quod  Romanus  praeses  Iudaeis  unum  aliquem  ex  sceleratis  in  paschate  donabat.  Hoc  quidem  fiebat  ad  celebrandam  diei  sanctitatem,  sed  re  ipsa  nihil  aliud  erat  quam  foeda  eius  profanatio.  Nam  teste  scriptura  (Prov.  17,  15),  abominatio  est  coram  Deo,  qui  nocentem  absolvit.  Multum  ergo  abest,  quin  eum  delectet  praepostera  eiusmodi  venia.  Hoc  ergo  exemplo  discamus,  nihil  magis  esse  praeposterum  quam  velle  Deum  nostris  figmentis  colere.  Nam  simul  ac  proprias  imaginationes  sequi  homines  coeperint,  nullus  est  modus,  donec  in  extrema  quaeque  deliria  prolapsi  palam  Deo  illudant.  Lex  ergo  divini  cultus  non  aliunde  quam  ex  eius  praescripto  petenda  est.  CAPUT  XIX.  1.  Tunc  ergo  apprehendit  Pilatus  Iesum  et  flagellavit.  2.  Et  milites  plectentes  coronam  ex  spinis,  imposuerunt  capiti  eius:  et  vestem  purpuream  circumdederunt  ei,  3.  ac  dicebant:  Salve  rex  Iudaeorum:  et  dabant  ei  alapas.  4.  Exivit  ergo  iterum  foras  Pilatus  et  dixit  eis:  Ecce  adduco  eum  vobis  foras  ut  26*