20:406  ainsi  soit  que  leur  frere  Maistre  Iehan  de  Sainct  Andre,  nagueres  ministre  a  Iussi,  pour  certains  propos  tenus  et  demenez  a  un  sermon  en  leglise  de  Poncenay  touchant  les  festes,  ait  este  emprisonne:  et  pource  quon  estimoit  quil  eut  voulu  blasmer  ceux  qui  gardent  les  festes  quil  vous  a  semble  bon  retenir,  il  a  este  banny  de  vos'  terres:  iusque  a  ce  que  vostre  bon  plaisir  fust  luy  donner  conge  dy  venir.  Et  pource  que  ledict  sainct  Andre  estant  venu  de  pais  loingtain  pour  servir  purement  a  Dieu  sest  tousiours  porte  pardeca  fort  chrestiennement  et  a  monstre  si  bon  exemple  que  chascun  en  a  este  edifie  comme  la  chose  est  notoire:  et  depuis  quil  a  este  ordonne  prescheur  s'est  si  bien  et  fidelement  acquite  de  son  office,  quil  seroit  a  desirer  quil  y  en  eut  beaucoup  de  semblables:  ioinct  aussi  que  lesdictz  suppliantz  sont  asseurez  que  iammais  son  intention  ne  fut  telle  comme  aucuns  lont  prinse,  de  taxer  lordre  que  vous  tenez  mais  au  contraire  a  tousiours  entretenu  bonne  paix  et  fraternite  avec  les  ministres  de  vostre  pais:  ilz  ont  pense  que  leur  devoir  estoit  de  supplier  tous  ensemble  vostre  excellence  quil  vous  plaise  affin  de  donner  pour  le  temps  advenir  au  dict  S.  Andre  meilleur  couraige  de  perseverer  de  bien  en  mieux  luy  relascher  de  vostre  grace  le  bannissement  auquel  il  a  este  condamne  affin  qu'il  luy  soit  loysible  daller  et  venir  sur  voz  terres  pour  exercer  son  office  et  habiter  quant  besoing  seroit.  En  ce  faisant  vous  obligerez  tant  plus  lesdictz  suppliantz  a  vous  faire  service  comme  ilz  ont  desire  par  cydevant  et  mis  poine  de  sy  emploier.  Et  remedierez  au  scandale  qui  est  provenu  de  cela  entre  les  ignorans  ou  gens  mal  affectionnez  a  levangile.  Lesdictz  suppliantz  esperent  bien  que  vous  serez  si  humains  que  de  leur  ottroier  leur  requeste  comme  raisonnable  et  sur  tout  pource  que  vous  estes  princes  Chrestiens  desquelz  loffice  est  d'ayder  et  donner  toute  faveur  a  ceux  qui  desirent  de  servir  a  Dieu  en  bonne  conscience  du  nombre  desquelz  ils  pensent  estre  tenus  de  vous.  Surquoy  ilz  prient  Dieu  vous  faire  prosperer  en  tout  bien.  sente  lettre  soit  du  21.  Mars  ou  a  peu  pres,  car  elle  est  ecrite  par  les  ministres.  Toujours  est-il  qu'elle  est  posterieure  a  T  arret  de  bannissement.  26*