9:405  405  VALENTINI  GENTILIS.  406  Sed  quidquid  thrasonice  iactes,  ex  hac  blasphemia  perspicimus  te  nunquam  serio  invocasse  Deum.  Reliqua  omnia  quae  subiicis,  non  longa  refutatione  opus  habent.  Tu  qui  iuras  neque  theologum,  neque  philosophum  te  esse,  magistrali  supercilio  doctrinam  tibi  incognitam  perinde  damnas,  ac  si  nuper  e  coelo  delapsus  esses,  Lucifer.  Yide  interea  ut  te  implices.  Abominaris  si  quis  dicat  Christum  esse  mediatorem,  quatenus  Deus  est:  mediatorem  vero  dicis  esse,  quatenus  est  filius.  1)  Ubi  ergo  eius  deitas,  si  in  aeterna  generatione  non  reperitur?  Neque  hoc  tibi  nunc  demum  per  incogitantiam  excidit:  testes  enim  sumus,  pertinaciter  te  negasse  Christum  ea  ratione,  qua  filius  est,  debere  Deum  censeri:  unde  sequitur  alia  ratione  [pag.  79]  esse  Deum.  Ita  trinitas  tua,  non  erit  trium  unitas,  sed  coniunctio  unius  Dei  cum  duabus  rebus  creatis.  Sermo  ille  Christi  ad  patrem:  Haec  est  vita  aeterna,  ut  credant  te  unum  verum  Deum,  et  quem  misisti  Iesum  Christum,  clare  tibi  fuit  expositus.  Nam  illic  Christus  in  mediatoris  persona  loquens,  medium  gradum  tenet  inter  Deum  et  homines.  Neque  tamen  ideo  imminuitur  eius  maiestas.  Nam  etsi  se  ipsum  exinanivit,  gloriam  tamen  suam,  quae  abscondita  fuit  coram  mundo,  non  perdidit  apud  patrem.  Sic  apostolus  2.  ad  Hebraeos  cap.  quanquam  fatetur  exiguo  tempore  fuisse  imminutum  infra  angelos,  non  tamen  dubitat  simul  asserere,  aeternum  esse  Deum  qui  fundavit  terram.  Tenendum  igitur  est,  quoties  Christus  in  persona  mediatoris  patrem  compellat,  sub  hoc  nomine  divinitatem  complecti,  quae  ipsius  quoque  est.  Sic  quum  apostolis  diceret:  Expedit  me  ascendere  ad  patrem,  quia  pater  maior  me  est:  non  secundam  divinitatem  tantum  sibi  tribuit,  ut  sit  quoad  aeternam  essentiam  patre  inferior:  sed  quia  coelesti  gloria  potitus  fideles  colligit  in  participationem  divinitatis,  vocat  patrem  maiorem,  quatenus  differt  conspicua  splendoris  perfectio  quae  in  coelo  apparet,  ab  ea  gloriae  mensura  quae  conspecta  fuit  in  ipso  carne  vestito,  [pag.  8°1  Eadem  ratione  apud  Paulum  dicitur:  Reddet  regnum  Deo  et  patri,  ut  sit  Deus  omnia  in  omnibus  (l.Cor.  15,  28).  Quaerimus  abs  te,  an  Christus  quem  cogeris  Deum  fateri,  esse  desinet.  Quod  si  perpetuitatem  eius  deitati  concedis,  sequitur  sub  patris  nomine  unicam  Dei  essentiam,  quae  tam  filii  est  quam  patris,  comprehendi.  Et  certe  ideo  ad  nos  descendit  Christus  ut  ad  patrem  attollendo  simul  etiam  ad  se  ipsum  attolleret,  quatenus  unum  est  cum  patre.  Quae  postea  evomis  convicia  omittimus,  ubi  filium  Dei  quem  praedicamus  in  diabolum  transfiguras  :  Deum  quem  colimus,  vocas  Deum  Turcarum,  multaque  eius  generis.  Sed  vide  miser,  ne  te  praecipitaverit  tuus  furor  ut  voces  emitteres  quae  per  iugulum  redeant.  1)  Posterior  pars  huius  eommatis  abest  a  gallico.