54:405  405  SUR  L'EPITRE  A  TITE.  40$  les  ames,  ils  remettent  les  pechez  au  nom  de  Dieu:  mais  cependant  tousiours  ce  qui  nous  est  dit  par  le  Prophete  Isaie  demeure  vray  et  en  son  entier,  C'est  cestuy-ci  qui  pardonne  tes  fautes,  Israel,  et  qui  les  efface:  tellement  que  Dieu  ne  veut  point  qu'on  luy  mesle  nulle  creature,  monstrant  que  c'est  son  office  propre  d'effacer  les  pechez:  voire  mais  cependant  le  moyen,  et  comme  son  instrument  pour  ce  faire,  est  sa  parole,  laquelle  il  a  commise  aux  hommes  mortels.  .  Nous  voyons  donc  maintenant  que  S.  Paul  ne  s'est  point  exalte  outre  sa  mesure,  mais  seulement  il  a  voulu  monstrer  quel  est  l'office  de  la  doctrine  de  l'Evangile,  c'est  que  par  icelle  nous  soyons  faits  nouvelles  creatures.  Et  pourquoy?  Car  c'est  une  semence  incorruptible.  Comme  nous  sommes  engendrez  en  ceste  vie  presente  et  caduque  par  la  semence  corruptible,  aussi  la  parole  de  Dieu  nous  vivifie  afin  que  nous  parvenions  a  cest  heritage  immortel  qui  nous  est  appreste.  De  la  nous  sommes  admonestez,  quand  il  plaist  a  Dieu  de  nous  envoyer  sa  parole,  de  la  recevoir  avec  une  telle  affection  comme  si  elle  nous  apportoit  la  vie:  car  aussi  fait-elle.  Nous  ne  le  sentons  pas,  et  ne  l'apprehendons  point  selon  nostre  phantasie,  mais  la  chose  est  telle.  Et  ainsi  cognoissons  le  bien  qui  nous  est  communique  quand  Dieu  nous  envoye  sa  parole.  Et  voila  pourquoy  aussi  l'Eglise  est  appelee  nostre  mere:  comme  8.  Paul  le  dit,  que  la  garde  luy  est  commise  de  la  verite  de  Dieu.  D'autant  donc  que  Dieu  nous  fait  dispenser  sa  parole  par  le  moyen  des  hommes,  et  qu'il  a  establi  cest  ordre  en  l'Eglise,  il  faut  que  tout  ainsi  que  Dieu  est  nostre  Pere,  que  l'Eglise  aussi  soit  nostre  mere,  que  nous  soyons  conceus  par  icelle,  que  nous  soyons  allaittez  et  nourris.  Tout  ainsi  qu'un  homme  s'accorde  avec  sa  femme  pour  nourrir  leurs  enfans,  et  que  la  femme  en  doit  avoir  le  soin  de  sa  part:  aussi  Dieu  a  commis  ceste  charge  a  son  Eglise,  qu'il  veut  que  par  le  laict  d'icelle  nous  soyons  substantez  iusqu'a  ce  que  nous  soyons  parvenus  en  aage  d'homme:  comme  ii  en  est  parle  aux  Ephesiens.  Voila  donc  qui  est  cause  que  S.  Paul  appelle  Tite,  son  vray  fils:  et  notamment  il  l'appelle  vray  et  naturel,  pour  le  discerner  d'avec  les  hypocrites,  qui  seront  bien  engendrez  en  la  maison  de  Dieu  selon  l'apparence  exterieure  (comme  aussi  il  en  traitte  aux  Galatiens),  mais  cependant  il  faut  qu'en  la  fin  iis  soyent  retranchez  comme  bastars  qui  ne  sont  point  vrais  fils,  ainsi  que  l'exemple  en  est  la  amene  d'Ismael.  Car  la  maison  d'Abraham  a  este  une  vraye  image  ou  figure  de  l'Eglise.  Voila  Ismael  qui  est  fils  d'Abraham  selon  la  chair,  mais  sa  mere  en  est  exclue.  Or  Ismael  semble  bien  avoir  le  droict  de  primogenitura,  tellement  qu'il  se  mocque  d'Ieaac  son  frere,  et  veut  aneantir