41:405  405  SUR  LE  VI.  CHAP.  DE  DANIEL.  406  fiates  en  leur  vices,  quand  il  avoient  le  moien  qui  se  presentoit  a  eux,  pour  les  faire  sortir  de  ces  abominations,  ils  l'ont  reffuse,  il  n'en  ont  tenu  compte,  mais  ils  se  sont  moques  de  Dieu  et  de  sa  verite.  N'est  ce  pas  bien  raison  que  Dieu  leur  oste  ce  qu'il  leur  avoit  donne  auparavant,  et  puis  que  Sathan  prenne  possession  d'eux?  advisons  donc  quand  nous  sentirons  qu'il  y  ha  de  grandes  infirmites  en  nous,  de  prier  Dieu,  qu'il  ne  permette  point  que  nous  nous  y  flations,  de  peur  que  nous  ne  tombions  en  cette  extremite,  de  luy  estre  rebelles  du  tout.  Et  que  par  ce  moien  il  nous  delaisse,  et  nous  abandonne  a  Sathan  a  nostre  grande  confusion.  Voila  comme  il  nous  en  faut  faire,  pratiquans  cette  doctrine  qui  nous  est  ici  recitee,  du  roy  Darius.  Or  cependant  notons,  que  si  un  pauvre  paien,  qui  n'avoit  point  este  enseigne,  ni  en  la  loy,  ni  aux  prophetes,  neantmoins  dit  a  Daniel  :  Et  le  Dieu  auquel  tu  as  servi  te  sauvera,  quand,  di-ie,  nous  Voions  parler  ainsi,  il  faut  bien  que  nous  aions  cette  consideration  la  en  nous,  d'estre  pleinement  resolus  de  l'assistance  de  Dieu,  car  nous  en  sommes  mieux  persuades  que  Darius,  il  parle  ici  comme  un  homme  qui  n'est  point  asseure.  Et  voila  pourquoy  il  parle  en  doute,  car  quand  il  vient  en  la  fosse,  il  dit,  Daniel,  ton  Dieu  sauroit  il  bien  peu  delivrer?  Nous  voions  donc  que  Darius  n'est  point  asseure,  voire  d'une  resolution  certaine,  que  Dieu  delivreroit  Daniel,  mais  tant  y  ha  qu'il  en  a  quelque  aprehention.  Et  qui  l'induit  a  cela?  son  seul  naturel,  c'est  a  dire,  qu'il  a  quelque  connoissance,  comme  Dieu  l'a  engravee  en  tous  hommes,  pour  connoistre  qu'il  y  a  un  Dieu,  et  que  c'est  de  luy  dont  procede  tout  bien,  que  c'est  aussi  luy,  qui  nous  delivre  de  tout  mal,  auquel  il  apartient  de  nous  secourir  en  nos  necessites,  il  est  vray  que  beaucoup,  et  quasi  la  plus  grande  multitude,  effacent  cette  connoissance  ici,  qui  leur  est  donnee  de  nature,  que  les  hommes  s'abrutissent,  et  s'aveuglent  a  leur  escient,  a  fin  d'abolir  et  esteindre  la  clarte  que  Dieu  leur  avoit  donnee,  mais  tant  y  ha  qu'il  ni  a  homme  si  barbare  ne  si  brutal,  qui  n'ait  quelque  aprehention  de  Dieu.  Or  en  Darius  il  y  avoit  beaucoup  plus,  il  avoit  desia  este  adverti  des  propheties  de  Daniel,  il  est  vray,  que  ceci  n'est  point  recite  au  texte,  mais  on  le  peut  facilement  veoir,  car  ce  que  Daniel  avoit  predit  a  Nabuchodonozor,  et  puis  ce  qu'il  avoit  declare  a  Balsazar,  ne  pouvoit  pas  estre  inconneu,  a  tous  les  roys  qui  ont  succede  en  cette  monarchie  de  Babilonne,  et  sur  tout  a  ce  Darius  et  Cyrus,  car  quand  ils  prindrent  la  ville  de  nuit,  mesme  qu'elle  fut  prinse,  il  avoit  adverti  Balsazar  de  tout  ce  qui  devoit  advenir,  comme  desia  nous  l'avons  veu.  Voila  donc  comme  le  roy  Darius  a  eu  quelque  connoissance  de  Dieu,  mais  elle  estoit  bien  petite,  ce  n'estoit  sinon  quelque  petite  estincelle.  Or  tant  y  ha  que