7:404  spiritum  Dei  suum  esse  praesidem,  in  primis  probent  necesse  est,  Christi  nomine  et  auspiciis  se  esse  congregatos.  Atqui  longe  secus  esse,  acta  clamitant:  Nam  simul  ac  buccas  ita  inflarunt,  primum  nihil  dignum  proferunt  tanto  hiatu  :  deinde  primo  statim  ingressu,  quod  sibi  videntur  habere  optimum,  ex  crassissima  superstitionum  faece  hauriunt.  Ac  de  priore  quidem  parte,  quam  flaccidi  sint  et  emortui,  omnique  spiritus  energia  vacui  in  primo  suo  decreto,  lectoribus  iudicium  relinquam:  quia  nemo  est  mediocri  intelligentia  praeditus,  qui  non  per  se  animadvertat.  1)  Secundam  attigisse  sufficiet:  quia  ex  brevi  indicatura  iudicium  facere  promptum  erit.  Episcopos  et  sacerdotes  concilium  celebrantes,  hoc  est,  se  ipsos,  hortantur,  ad  peragendum,  quolibet  saltem  dominico  die,  missae  sacrificium.  En  praeclarae  reformationis  initia.  Clamamus,  missale  sacrificium  nihil  aliud  esse,  quam  impiam  coenae  dominieae  profanationem.  Idque  ex  claris  Domini  verbis  planum  facimus  Neque  enim  sacrificandi  partes  nobis  iniungit  in  sacra  coena  instituenda:  sed  ad  participandum,  quod  ipse  unus  et  semel  obtulit  sacrificium,  nos  invitat:  distributionem  fieri  praecipit:  utroque  symbolo  communicare  omnes  pariter  iubet.  Neque  enim  obscura  sunt  verba:  Accipite,  distribuite  [pag.  78]  inter  vos:  bibite  ex  hoc  calice  omnes.  Quid  simile  inter  eiusmodi  actionem,  quae  Domini  mandato  respondet,  et  papalem  missam  ?  ubi  se  Christum  patri  offerre  fingunt,  ad  expianda  suo  sacrificio  mundi  peccata:  neque  id  solum,  sed  etiam  ad  impetrandam  mortuis  redemptionem  :  ubi  nulla  fit  ad  participationem  invitatio:  sed  potius  unus  se  a  toto  grege  separat:  quod  si  quis  forte  accedit,  a  dimidia  parte  arcetur.  Olim  quum  minor  esset  populi  frequentia,  dicebat  Chrysostomus  :  Frustra  ergo  adstamus  ad  altare.  Dicebat  hoc,  qui  iam  tamen  assueverat  multis  corruptelis.  Quid  dicturus  est  Dominus,  non  corrupta  modo,  sed  eversa  prorsus  sua  institutione?  Eant  igitur,  et  magis  magisque  suo  sacrilegio  iram  Dei  iam  plus  satis  concitatam,  rursus  de  integro  inflamment.  Secundo  hortantur,  ut  singulis  saltem  feriis  sextis,  in  passionis  etc.  memoriam.  2)  Hoccine  est,  quod  de  observatione  dierum  docet  Paulus  (Col.  2,  16)  ?  3)  Hoccine  est  quod  de  ciborum  delectu  admonet,  eadem  ad  Colossenses  epistola  (ib.  v.  23)?  ἐθελοθρησκείαν  esse,  hoc  est,  commentitium  Dei  cultum,  qui  utcunque  speciem  habeat  sapientiae,  quia  tamen  pendet  ex  hominum  placitis,  una  cum  cibis  ipsis  1)  add.  que  leur  decret  est  compose  d'un  stile  de  chicanerie,  sans  qu'il  sente  maieste  aucune.  2)  Omissum  hic  est,  utrum  casu  an  de  industria,  nescimus,  vocabulum:  ieiunent.  8)  disant  qu'elle  ne  convient  plus  aux  Chrestiens  pour  ce  qu'elle  est  des  umbres  de  la  Loy?