47:404  pertineant  ad  hoc  regnum,  nempe  qui  spiritu  Dei  renovati  coelestem  vitam  in  sanctitate  et  iustitia  meditantur.  Quanquam  simul  notandum  est,  non  negari  quin  sit  in  hoc  mundo  Christi  regnum.  Scimus  enim  sedem  suam  in  animis  nostris  habere:  quemadmodum  alibi  etiam  dicit  Christus:  Regnum  Dei  intra  vos  est  (Luc.  17,  21).  Sed  proprie  loquendo  regnum  Dei  in  nobis  habitans  in  mundo  peregrinatur,  quia  prorsus  diversa  est  eius  conditio.  Ministri  mei  utique  decertarent  Probat  se  terrenum  regnum  non  affectasse,  quia  nemo  se  moveat,  nemo  arma  capiat.  Nam  si  privatus  quispiam  regnum  sibi  usurpet,  necesse  est  ut  per  factiosos  homines  vires  acquirat.  In  Christo  nihil  apparet  tale.  Sequitur  ergo  non  esse  terrenum  regem.  Sed  quaeritur  hoc  loco,  an  regnum  Christi  non  liceat  armis  defendere.  Nam  quum  iubentur  principes  osculari  Dei  filium,  non  tantum  illis  mandatur,  ut  se  privatim  subiiciant  eius  imperio,  sed  etiam  ut  conferant  quidquid  habent  potestatis  ad  tuendam  ecclesiam  et  asserendam  pietatem.  Primum  respondeo,  perperam  et  inscite  facere,  qui  hanc  consequentiam  deducunt,  non  debere  evangelii  doctrinam  et  purum  Dei  cultum  armis  defendi,  quia  non  est  tunc  defensus  Christus  in  sua  persona.  Tantum  enim  ex  praesenti  facto  ratiocinatur  Christus,  quam  frivolum  sit,  quod  calumniose  detulerant  Iudaei.  Deinde  etiamsi  Christi  regnum  gladio  propugnent  pii  reges,  fieri  tamen  hoc  alio  modo,  quam  defendi  soleant  regna  mundana.  Regnum  enim  Christi,  ut  spirituale  est,  in  doctrina  et  virtute  spiritus  fundari  oportet.  Eodem  etiam  modo  perficitur  eius  aedificatio.  Neque  enim  leges  et  edicta  hominum,  neque  poenae  ad  conscientias  usque  perveniunt.  Hoc  tamen  non  obstat  quominus  per  accidens  regnum  Christi  tueantur  principes:  partim  dum  externam  disciplinam  constituunt,  partim  dum  suum  patrocinium  commodant  ecclesiae  contra  impios.  Caeterum  facit  mundi  pravitas,  ut  magis  sanguine  martyrum  stabiliatur  regnum  Christi  quam  armorum  praesidiis.  37.  Dixit  ergo  ei  Pilatus:  Numquid  ergo  rex  es  tu?  Bespondit  Iesus:  Tu  dicis,  quod  rex  sim  ego:  in  hoc  ego  natus  sum,  et  in  hoc  veni  in  mundum,  ut  testimonium  reddam  veritati.  Quisquis  est  ex  veritate,  audit  vocem  meam.  38.  Dicit  ei  Pilatus:  Quid  est  veritas?  Et  quum  hoc  dixisset,  rursum  exivit  ad  Iudaeos  et  dixit  illis:  Ego  nullum  crimen  invenio  in  eo.  39.  Est  autem  vobis  consuetudo,  ut  unum  vobis  dimittam  in  paschate:  vultis  ergo,  vobis  dimittam  regem  Iudaeorum?  40.  Clamaverunt  ergo  rursus  omnes,  dicentes:  Non  hunc9  sed  Barabbam.  Erat  autem  Barabbas  latro.  37.  Tu  dicis,  quod  rex  sim  ego.  Tametsi  iam  ex  priore  responso  intellexerat  Pilatus,  Christum