8:403  403  QUATKE  SERMONS.  404  tousiours  eu  victoire  sur  leurs  enu  emi  s,  d'autant  qu'ils  sont  demeurez  fermes  en  patience.  Or  ie  touche  cest  article  en  bre￡  pour  venir  au  second,  lequel  convient  plus  a  nostre  propos  :  c'est  de  faire  nostre  proufit  des  exemples  particuliers  des  Martyrs  qui  nous  ont  precedez.  Or  il  n'y  en  a  pas  deux  ou  trois  seulement,  mais  une  grosse  nuee  et  espaisse,  comme  dit  l'Apostre  au  douzieme  des  Hebrieux;  en  quoy  il  signifie  que  la  quantite  est  si  grande,  qu'elle  nous  doibt  quasi  crever  les  yeulx.  Pour  n'estre  trop  long,  ie  prendray  seulement  les  Iuifs,  qui  ont  este  persecutez  pour  la  vraye  religion,  tant  soubs  la  tyrannie  du  Roy  Antioche,  qu'un  peu  apres  sa  mort.  Nous  ne  povons  alleguer  que  ce  ait  este  un  petit  nombre  de  gens;  car  il  y  a  eu  pour  lors  comme  une  grande  armee  de  Martyrs.  Nous  ne  povons  dire  que  ce  ayent  este  des  Prophetes,  lesquels  Dieu  eust  separez  du  commun  peuple;  car  les  femmes  et  ieunes  enfans  ont  este  de  ceste  bande.  Nous  ne  povons  pas  dire  qu'ils  en  ayent  este  quictes  a  bon  marche;  car  on  les  a  tormentez  aussi  cruellement  qu'il  estoit  possible  de  faire.  Nous  oyons  aussi  ce  que  l'Apostre  nous  en  remonstre.  Les  uns,  dict-il  (Hebr.  ll,  35),  ont  este  estendus  comme  tabourins,  ne  tenans  compte  d'estre  delivrez,  a  fin  d'obtenir  une  meilleurs  resurrection:  les  autres  ont  este  esprouvez  par  mocqueries  et  batures,  ou  par  liens  et  prisons:  les  autres,  lapidez  ou  sciez:  les  autres  ont  chemine  ca  et  la,  errans  par  les  montaignes  et  cavernes.  Entrons  maintenant  a  faire  comparaison  d'eulx  avecques  nous.  S'ils  ont  endure  pour  la  verite  de  Dieu,  qui  estoit  encore  tant  obscure  de  ce  temps-la,  que  debvons-  nous  faire  en  la  clarte  qui  luist  maintenant?  Dieu  parle  a  nous  comme  a  pleine  bouche:  la  grande  porte  du  royaume  des  cieulx  est  ouverte:  Iesus  Christ  nous  appelle  a  soy,  estant  descendu  a  nous,  a  fin  que  nous  l'ayons  comme  present  a  nos  yeulx.  Quel  reproche  nous  sera-ce  d'avoir  moins  de  zele  a  souffrir  pour  l'Evangile,  que  n'ont  eu  ceulx  qui  ont  seulement  salue  les  promesses  de  loing?  qui  n'ont  eu  qu'un  petit  guichet  ouvert  pour  venir  au  royaume  de  Dieu?  qui  n'ont  eu,  sinon  quelque  remembrance  et  figure  de  Iesus  Christ?  Ces  choses  ne  se  peuvent  exprimer  de  bouche  selon  qu'elles  meritent:  parquoy  ie  les  laisse  mediter  a  chascun.  Or  ceste  doctrine,  comme  elle  est  generale,  [f.  33]  se  doibt  practiquer  de  tous  Chrestiens.  Mais  chascun  la  doit  applicquer  a  son  usage,  selon  que  la  necessite  le  requiert:  Ie  di  ceci,  a  fin  que  ceulx  qui  ne  se  voyent  point  en  danger  apparent,  ne  pensent  pas  qu'elle  soit  superflue  quant  a  eulx.  Ils  ne  sont  pas  pour  ceste  heure  entre  les  mains  des  tyrans:  mais  que  scavent-ils  que  Dieu  vouldra  faire  d'eulx  ci-apres?  Parquoy  nous  debvons  estre  tellement  premunis,  que  si  quelque