7:403  403  ACTA  SYNODI  TRIDENTINAE  404  pos,  quaquaversum  habitatur  orbis.  At  si  provincialis  foret  synodus,  deberet  eos  pudere  suae  paucitatis.  Unde  autem,  aut  quo  iure  sacrosanctam  hanc  synodum  censebimus?  Quousque  tandem  sibi  ducent  cum  pueris  esse  negotium,  ut  crepitaculis  1)  risu  dignis  maiestatem  sibi  concilient?  In  spiritu  sancto  rite  se  esse  congregatos,  unde  nobis  fidem  facient,  nisi  forte  ex  bullari  indictione?  Quasi  vero  semper  fascinatas  hoc  stupore  teneant  hominum  mentes,  spiritum  sanctum  e  coelis  elici,  papae  nutu.  Quo  tempore  habita  sunt  concilia,  quibus  ipsi  primarium  honorem  deferre  coguntur,  nulla  penes  romanum  episcopum  indictionis  erat  potestas.  Sed  eum  Imperator  cum  reliquis,  suo  edicto  convenire  iubebat.  Hoc  fuisse  observatum,  non  in  quatuor  solum  magnis  conciliis,  quae  vocant,  sed  etiam  in  plurimis  aliis,  vetusta  acta,  quae  adhuc  supersunt,  et  omnes  historiae  testantur.  Ac  ne  causentur  indictionem  fuisse  parum  legitimam,  id  Leonis  epistolis  refellitur,  quibus  suppliciter  petit  a  Theodosio,  Valentiniano  et  Marciano,  Augustis,  2)  ut,  pro  imperatoria  [pag.  76]  potestate,  locum  et  diem  episcopis  edicant.  Idem  et  Gregorius  aliquanto  post  a  Mauricio  petiit.  Verum  tres  sedis  apostolicae  legati  spiritum  sanctum  forsan  attulerunt.  Si  ita  est,  non  fuit  synodus  Nicena  rite  congregata:  quae  romanae  ecclesiae  legatos  in  quartum  locum  reiecit.  Quid  de  Aquileiensi  dicendum,  quae  quum  in  Italia  celebraretur,  essetque  universalis,  nullam  facit  romani  episcopi  mentionem?  Si  non  est  rite  constitutus  ordo,  nisi  praesideant  papae  legati,  quid  respondebunt  Africani,  qui  duobus  Bonifacii  legatis  Philippo  et  Asello  postremum  locum  assignarunt,  quod  presbyteri  tantum  essent,  3)  non  ex  ordine  episcopali?  Nunc  romanae  ecclesiae  diaconus,  modo  rubro  pileo  sit  insignis,  altus  eminebit  super  omnium  episcoporum  capita.  Tametsi,  quem  quisque  inter  eos  gradum  obtineat,  mea  nihil  refert:  nec  ea  de  causa  illis  molestus  ero.  Quin  facile  patiar  mitras  a  galeris  vinci:  modo  ne  spiritum  sanctum  larvis  nuper  a  se  compositis  alligent:  ut  ubicunque  conspectus  fuerit  purpurae  fulgor,  synodus  sit  rite  congregata.  Et  tamen  si  hanc  nobis  legem  imponunt:  cur  synodus  Basiliensis  legitima,  illorum  iudicio,  non  habetur?  Quis  ferat  tantam  impudentiam,  ut  spiritum  emittat  homo,  et  quoties  libuerit  revocet?  4)  Proinde  ut  vero  argumento  persuadeant,  [pag.  77]  1)  quand  ilz  a  iront  sonne  des  hochettes.  2)  In  ed.  principe  legitur  :  AAA.  3)  c'est  a  dire  de  l'ordre  de  ceux  qui  se  nomment  auiourdhuy  Cardinaux.  4)  que  le  Pape  envoye  le  sainct  Esprit  de  sa  manche  quand  il  luy  plaira,  et  qu'il  le  rappelle  aussi  a  sa  volonte  comme  un  oyseau  prive?