55:403  403  EPIST.  IACOBI  404  incumbit,  nisi  misericordia  subveniat.  Dura  et  coacta  est  expositio  eorum  qui  personam  sub  rei  nomine  designari  volunt.  Neque  enim  proprie  gloriatur  homo  adversus  Dei  iudicium,  sed  ipsa  Dei  misericordia  quodammodo  triumphum  agit,  et  sola  regnum  obtinet,  quum  cessat  iudicii  severitas.  14.  Quid  prodest,  fratres  mei,  si  fidem  dicat  aliquis  se  habere,  opera  autem  non  habeat?  numquid  potest  fides  salvum  facere  ipsum  ?  15.  Quod  si  frater  aut  soror  nudi  fuerint,  et  egentes  quotidiano  vidui  16.  dicat  autem  aliquis  vestrum  illis:  Abite  cum  pace,  calescite  et  saturamini:  non  tamen  dederitis  illis  quae  sunt  necessaria  corpori:  quae  utilitas?  17.  Sic  et  fides,  si  opera  non  habuerit,  mortua  est  per  se.  14.  Quid  prodest  Pergit  in  commendanda  misericordia.  Quoniam  autem  Deum  fore  nobis  severum  et  simul  formidabilem  iudicem  minatus  fuerat,  nisi  humani  et  misericordes  simus  erga  proximos:  contra  vero  excipiebant  hypocritae,  sufficere  nobis  fidem,  in  qua  sita  est  hominum  salus:  nunc  in  illam  inanem  iactantiam  invehitur.  Summa  igitur  est,  fidem  sine  caritate  nihil  conducere,  adeoque  penitus  esse  mortuam.  Sed  hic  oritur  quaestio,  an  separari  a  caritate  possit  fides.  Et  sane  perversa  huius  loci  expositio  tritam  illam  apud  sophistas  distinctionem  peperit  fidei  informis  et  formatae.  Atqui,  nihil  tale  Iacobus  cogitavit:  nam  ipsum  de  falsa  professione  loqui,  ex  primis  verbis  constat.  Neque  enim  sic  incipit,  Si  fidem  quis  habeat:  sed,  si  quis  se  habere  dicat.  Quo  certe  innuit  iactare  hypocritas  inane  fidei  nomen,  quod  re  ipsa  minime  in  eos  competit.  Ergo  quod  ipse  quoque  f  i  d  em  appellat,  concessio  est,  ut  rhetores  vocant.  Nam  ubi  m  rem  duntaxat  insistimus,  nihil  nocet,  imo  expedit  interdum  causae,  adversario  verbum  concedere  quod  postulat:  quia  statim  re  cognita,  verbum  quoque  facile  illi  excutitur.  Iacobus  ergo  quia  satis  habebat,  falsum  illum  praetextum,  quo  se  tegebant  hypocritae,  refellere,  de  verbo  controversiam  movere  noluit.  Meminerimus  tamen  eum  non  ex  proprio  animi  sensu  loqui  quoties  hic  fidem  nominat:  sed  potius  adversus  eos  disputare  qui  fidem,  qua  prorsus  carent,  falso  praetendunt.  Numquid  potest  fides.  Hoc  tantundem  valet  ac  si  dixisset  :  Nos  frigida  et  nuda  Dei  notitia  salutem  minime  consequi.  Quod  verissimum  esse  omnes  fatentur.  Ideo  enim  nobis  salus  ex  fide,  quia  nos  Deo  coniungit.  Hoc  autem  non  aliter  fit,  quam  dum  inserimur  in  corpus  Christi,  ut  eius  spiritu  viventes  ab  eo  quoque  gubernemur.  Nihil  tale  est  in  hoc  mortuo  fidei  simulacro:  quare  non  mirum  est  si  salutis  effectum  Iacobus  illi  adimit.  15.  Quod  si  frater.  Exemplum  e  re  praesenti  sumit.  Hortatur  enim,  ut  dictum  est,  ad  caritatis