54:403  403  SERMON  III  404  nostre  Sauveur,  qu'il  domine  au  milieu  de  nous,  et  qu'il  y  ha  son  siege  dresse.  Voila  donc  en  somme  ce  que  nous  avons  a  retenir,  c'est  ascavoir  que  nous  ne  soyons  plus  addonnez  a  nos  phantasies  vaines  frivoles,  pour  nous  en  laisser  tromper  et  circonvenir,  mais  que  nous  venions  a  la  verite  de  Dieu  pour  estre  appuyez  sur  icelle,  sans  en  decliner  iamais:  et  que  nous  regardions  plus  haut  qu'en  ce  monde  et  a  ceste  vie  terrestre,  que  nous  venions  a  nostre  Seigneur  Iesus  Christ,  le  prians  qu'il  desploye  ses  graces  sur  nous,  qu'il  nous  en  communique,  et  que  nous  obtenions  par  son  moyen  une  telle  asseurance  de  la  bonte  de  Dieu  envers  nous,  que  nous  ne  doutions  point  que