52:403  403  CAPUT  I.  1.  Paulusi  servus  Dei,  apostolus  autem  Iesu  Christi  secundum  fidem  electorum  Dei  et  agnitionem  veritatis  eius,  quae  secundum  pietatem  est,  2.  in  spe  vitae  aeternae  quam  promisit  is,  qui  mentiri  non  potest,  Deus,  ante  tempora  saecularia,  3.  manifestavit  autem  propriis  temporibus,  sermonem  suum  in  praedicatione  quae  mihi  commissa  est  secundum  ordinationem  servatoris  nostri  Dei:  4.  Tito,  germano  filio  secundum  communem  fidem,  gratia,  misericordia,  pax,  a  Deo  patre  et  Domino  Iesu  Christo,  servatore  nostro.  1.  Servus  Dei.  Indicat  tam  longa  et  accurata  apostolatus  commendatio,  ecclesiae  magis  quam  unius  Titi  habitam  a  Paulo  rationem.  Nam  eius  apostolatus  extra  controversiam  apud  Titum  erat.  Solet  autem  Paulus  suae  vocationis  elogia  praedicare  ad  autoritatem  sibi  asserendam.  Itaque  ut  affectos  esse  videt  quibus  scribit,  ita  multus  est  in  se  ornando,  vel  parcus.  Hic  quoniam  illi  propositum  est  in  ordinem  eos  cogere  qui  se  proterve  efferebant,  ideo  magnifice  apostolatum  suum  extollit.  Scribit  ergo  non  quae  Titus  in  cubiculo  solus  legat,  sed  quae  proferat  in  publicum.  Primo  se  Dei  s  e  r  v  um  appellat,  deinde  ministerii  sui  speciem  addit,  nempe  quod  sit  C  h  r  i  s  t  i  apostolus.  Sunt  enim  varii  gradus  inter  Dei  servos.  Sic  a  genere  ad  speciem  descendit.  Tenendum  etiam  memoria  est  quod  alibi  dixi,  servi  nomen  hic  aliud  sonare  quam  communem  subiectionem,  qualiter  servi  Dei  vocantur  omnes  fideles:  sed  accipi  pro  ministro,  cui  certum  aliquod  munus  iniunctum  est.  Quo  sensu  olim  prophetae  hoc  titulo  insigniebantur:  et  Christus  ipse  prophetarum  caput:  Ecce  servus  meus,  elegi  eum.  Sic  David,  regiae  dignitatis  intuitu,  servum  Dei  se  nominat.  Fortassis  etiam  propter  Iudaeos  servum  Dei  se  praedicat:  quoniam  solebant  opposita  lege  extenuare  eius  fidem.  Ergo  ita  vult  haberi  Christi  apostolus,  ut  tamen  glorietur  se  Deo  aeterno  servire.  Ita  haec  duo  elogia  non  modo  inter  se  conciliat,  sed  nexu  individuo  coniuncta  esse  docet  Secundum  fidem.  Si  quis  de  eius  apostolatu  dubitet,  optima  ratione  fidem  illi  conciliat,  ipsum  cum  salute  e  l  e  c  t  o  r  um  Dei  coniungens.  Ac  si