47:403  403  IN  EVANGELIUM  IOANNIS  404  Praetorium  ergo  ingreditur.  Et  quidem  consilium  eius  est.  Christum  absolvere:  Christus  autem  ipse,  ut  obediat  patri,  damnandum  se  offert.  Atque  haec  ratio  est,  cur  tam  parce  respondeat.  Quum  iudicem  haberet  propitium,  et  qui  aures  libenter  accommodasset,  non  difficile  illi  erat  causam  suam  agere,  sed  cogitat  ad  quid  descenderit  in  mundum  et  quorsum  nunc  a  patre  vocetur.  Ideo  sponte  obmutescit,  ne  mortem  effugiat.  Tu  es  rex  Iudaeorum?  Quaestio  de  regno  nunquam  a  Pilato  sponte  mota  esset,  nisi  hoc  crimine  gravassent  Christum  Iudaei.  Quod  autem  prae  aliis  omnibus  odiosum  erat  sumit  Pilatus,  ut  eo  transacto  absolvat  reum.  Responsum  Christi  huc  tendit,  in  ea  accusatione  nihil  esse  coloris.  Ita  obliquam  refutationem  continet,  ac  si  diceret:  Mihi  ridicule  crimen  obiicitur,  cuius  ne  minima  quidem  suspicio  in  me  cadit.  Inique  vero  tulisse  Pilatus  videtur,  quod  quaesierat  Christus,  cur  se  haberet  suspectum.  Itaque  per  indignationem  exprobrat,  quidquid  mali  est  esse  a  propria  gente.  Ego,  inquit,  sedeo  iudex:  non  alieni,  sed  gentiles  tui  te  accusant.  Non  est  igitur  cur  me  involvas  discordiis  vestris.  Per  me  et  Romanos  vobis  agere  quietis  liceret:  sed  ipsi  vobis  molestiam  facessitis,  cuius  partem  subire  invitus  cogor.  36.  Begnum  meum  non  est.  Fatetur  his  verbis  se  regem  esse:  sed  quantum  ad  probandam  innocentiam  satis  erat,  diluit  et  purgat  calumniam.  Negat  enim  quidquam  dissidii  esse  regno  suo  cum  politico  ordine,  ac  si  diceret,  falso  accusor,  ac  si  tentassem  aliquid  turbare  aut  novare  in  publico  statu.  Concionatus  sum  de  regno  Dei,  sed  illud  spirituale  est:  ideo  non  est  cur  me  regni  affectati  suspectum  habeas.  Caeterum  ista  Christi  defensio  fuit  apud  Pilatum,  sed  eadem  utilis  piis  omnibus  est  doctrina  usque  ad  finem  mundi.  Nam  si  terrenum  esset  Christi  regnum,  quia  praeterit  figura  huius  mundi,  instabile  et  caducum  esset:  nunc  quia  coeleste  vocatur,  hinc  simul  asseritur  eius  perpetuitas.  Ita  si  totum  orbem  terrae  labefactari  contingat,  non  modo  inter  motus  et  concussiones,  sed  etiam  inter  horribiles  ruinas  et  interitus  stabiles  nihilominus  manent  nostrae  conscientiae,  modo  ad  Christi  regnum  attendant.  Si  tyrannice  vexamur  ab  impiis,  salus  tamen  nobis  integra  constat  in  Christi  regno,  quod  hominum  libidini  minime  obnoxium  est.  Denique  quum  innumeris  procellis  assidue  aestuet  mundus,  separatur  inde  regnum  Christi,  in  quo  nobis  quaerenda  est  tranquillitas.  Docemur  praeterea,  qualis  sit  natura  huius  regni.  Nam  si  nos  secundum  carnem  beatos  redderet  nobisque  afferret  opes,  delitias  et  quidquid  optabile  est  ad  usus  praesentis  vitae,  saperet  terram  et  mundum:  nunc  autem  quantumvis  in  speciem  misera  sit  nostra  conditio,  salva  tamen  manet  nobis  solida  felicitas.  Hinc  quoque  discimus,  quinam