41:403  403  SERMON  VIII.  404  nul  qui  soit  devant  le  temps,  mais  quand  nous  verrons  que  quelqu'un  resistera  a  la  verite  de  Dieu  a  son  escient,  sachons  que  cestuy  la  ne  merite  pas  qu'on  use  envers  luy  d'une  telle  humilite,  comme  envers  ceux  dont  nous  avons  parle  ci  dessus.  Notons  donc  ces  degres  la,  et  au  reste  que  nous  sachions  aussi,  que  Dieu  executera  un  horrible  iugement  sur  ceux  qui  seront  ainsi  encharnes  a  mai  faire,  qui  seront  possedes  du  diable,  pour  persecuter  la  verite,  et  affliger  les  bons  et  les  fideles,  il  faudra,  di-ie,  qu'il  y  ait  une  terrible  vengeance  sur  eux,  pourquoy  nous  ne  pouvons  pas  excuser  le  roy  Darius  en  ce  qui  est  ici  recite,  toutesfois  si  est  ce  que  l'Esprit  de  Dieu  luy  rend  un  grand  tesmoignage,  quand  il  ha  mis  peine  de  sauver  Daniel,  combien  qu'il  ait  transgresse  la  loy  par  luy  faitte,  neantmoins  il  desire  que  cela  luy  soit  remis  et  pardonne,  et  puis  quand  il  se  tourmente  ainsi,  on  voit  bien  que  ce  n'est  que  par  force  qu'il  est  vaincu  de  crainte,  qu'il  ha,  qu'on  le  vient  menacer  qu'il  sera  destitue  de  son  royaume,  sinon  qu'il  maintienne  bien  ses  loix.  D'avantage  il  laisse  le  boire  et  le  manger,  et  toutes  delices,  pour  le  dueil  qu'il  a  de  Daniel,  voire  et  en  fait  autant  comme  si  c'estoit  son  propre  enfant.  Voila  de  grandes  louanges,  que  le  sainct  Esprit  luy  attribue,  nous  ne  laissons  point  pourtant  de  ie  condamner,  et  sur  cela,  si  nous  condamnons  un  homme,  qui  n'aura  point  peche  de  certaine  malice,  ie  vous  prie  que  sera  ce  du  iugement  de  Dieu  sur  ceux  qui  de  propos  delibere  persecutent  les  bons?  nous  ne  sommes  pas  iuges,  sinon  pour  veoir  comme  s'il  y  avoit  quelque  petit  raion  de  clarte.  Or  quand  un  homme  sera  mene  de  furie,  pour  dire,  i'aboliray  la  iustice  de  Dieu,  ie  luy  feray  la  guerre,  entant  qu'en  moy  sera,  ie  le  despiteray  en  toutes  facons,  ie  persecuteray  les  innocens,  respandray  le  sang,  voire  sans  propos  et  sans  raison,  quand  un  homme  sera  ainsi  forcene,  ie  vous  prie  quelle  excuse  y  aura  il,  quelle  condemnation  luy  est  apres  tee?  Voila  donc  comme  il  nous  faut  discerner  entre  les  infirmes,  et  les  meschans,  ceux  qui  sont  possedes  du  diable,  qui  ne  sont  point  menes  par  quelque  crainte,  mais  qui  ne  demandent  sinon  a  faire  tout  mal,  qu'il  faut  que  nous  aions  cette  consideration  la,  de  supporter  les  infirmes,  d'avoir  compassion  d'eux,  de  les  relever  quand  ils  sont  tombes,  des  meschans  que  nous  connoistrons  qu'ils  meritent  qu'on  y  aille  avec  une  plus  grand  rigueur,  combien  que  nous  devons  essaier  premierement  avec  douceur  et  humanite,  pour  veoir  si  on  les  pourra  amener  a  quelque  amendement,  mais  quand  nous  verrons  qu'il  y  aura  une  rebellion  certaine  contre  Dieu,  que  nous  y  allions  avec  une  telle  rigueur  que  nous  avons  monstree,  sachans  aussi  que  Dieu  en  usera  en  telle  sorte.  Et  la  dessus  que  nous  soions  advertis,  de