8:402  devant  nous,  qui  estoyent-ils?  Il  est  vray,  quand  nous  n'aurions  que  la  pure  doctrine,  que  toutes  excuses  lesquelles  nous  scaurions  amener,  seroyent  frivoles:  mais  ayans  tant  d'exemples  qui  nous  [f.  31]  doibvent  servir  de  plus  grande  approbation,  tant  plus  sommes-nous  a  condamner.  Or  yci  il  y  a  deux  poincts  a  considerer:  le  premier  est  que  tout  le  corps  de  l'Eglise  en  general  a  este  tousiours  subiect  et  sera  iusques  en  la  fin  a  estre  afflige  par  les  meschans,  comme  il  est  dict  au  Pseaulme  (129,  1):  Des  ma  ieunesse  ils  m'ont  tourmentee,  et  ont  tire  la  charrue  sur  moy  depuis  un  bout  iusques  a  l'autre.  Le  sainct  Esprit  introduit  la  l'Eglise  ancienne  parlant,  a  fin  que  nous,  apres  avoir  cogneu  les  afflictions  d'icelle,  ne  trouvions  point  nouveau  ni  fascheux  que  le  semblable  nous  soit  faict  auiourd'huy.  Sainct  Paul  aussi  (Rom.  8,  36),  amenant  ce  passage  de  l'autre  Pseaulme  (44,  23),  ou  il  est  dict:  Nous  avons  este  comme  moutons  qu'on  mene  a  la  boucherie,  monstre  que  cela  n'a  point  este  pour  un  aage  seulement,  mais  que  c'est  l'ordinaire  de  l'Eglise,  et  sera.  Ainsi  voyant  l'Eglise  de  Dieu  estre  auiourd'huy  foulee  par  l'orgueil  des  mondains,  que  l'un  abbaye  apres,  l'autre  la  mord,  qu'on  la  tormente,  qu'on  machine  contre  elle,  que  sans  cesse  elle  est  assaillie  de  chiens  enragez  et  de  bestes  sauvages,  qu'il  nous  souvienne  que  cela  s'est  faict  de  toute  anciennete.  Vray  est  que  Dieu  luy  donne  bien  par  fois  quelques  treves  et  relasches,  et  c'est  ce  qui  est  dict  au  Pseaulme  ci-dessus  allegue:  II  coupe  les  cordeaux  des  iniques:  et  en  l'autre  passage,  qu'il  rompt  leur  baston,  de  peur  que  les  bons  ne  se  desbauchent  estans  par  trop  pressez.  Mais  tant  y  a  que  tousiours  il  a  voulu  que  son  Eglise  fast  en  ce  monde  pour  batailler,  lui  ayant  reserve  son  repos  la-hault  aux  cieulx.  Cependant  si  est-ce  que  l'issue  de  ses  afflictions  a  este  tousiours  heureuse;  et  pour  le  moins  Dieu  a  faict  que,  estant  pressee  de  beaucoup  de  maulx,  elle  n'a  iamais  este  accablee  du  tout,  comme  il  est  dict  (Pseaulme  7,  15)  que  les  meschans,  avec  tous  leurs  effors,  ne  sont  pas  venus  a  bout  de  ce  qu'ils  pensoyent.  Sainct  Paul  se  glorifie  du  semblable,  pour  monstrer  que  c'est  une  grace  de  Dieu  perpetuelle.  Nous  endurons,  dit-il  (1.  Cor.  4,  ll),  tribulations,  mais  nous  n'en  sommes  point  angoissez:  nous  sommes  appovris,  mais  nous  ne  sommes  point  destituez  :  nous  sommes  persecutez,  mais  nous  ne  sommes  point  abandonnez:  nous  sommes  abbatus,  mais  nous  ne  perissons  point;  portans  partout  en  nostre  corps  la  mortification  du  Seigneur  Iesus,  a  fin*  que  sa  vie  soit  manifestee  en  nos  corps  mortels.  Telle  issue,  comme  nous  voyons  que  Dieu  l'a  donnee  de  tous  temps  aux  persecutions  de  son  Eglise,  nous  [f.  32]  doibt  bien  donner  courage;  scachans  que  nos  peres,  qui  estoyent  hommes  fragiles  ainsi  que  nous,  ont  26