55:402  ita  in  singulis  obedientiam  nostram  experiri  vult  Deus.  Quare  transgressor  est  legis  quisquis  in  ullo  mandato  offendit:  secundum  illud:  Maledictus  qui  non  impleverit  omnia  (Dent.  27,  26).  Videmus  porro,  ut  transgressor  legis,  et  omnium  reus,  idem  Iacobo  significent.  12.  Sic  loquimini,  et  sic  facite,  ut  per  legem  libertatis  iudicandi.  13.  Iudicium  enim  sine  misericordia  ei  qui  non  praestiterit  misericordiam:  et  gloriatur  misericordia  adversus  iudicium*  12.  Sic  loquimini.  Quia  nimium  sibi  blandiebantur,  revocat  eos  ad  legitimum  tribunal.  Nam  ideo  se  absolvunt  homines  sua  opinione,  quia  se  divinae  legis  iudicio  subtrahunt.  Admonet  igitur,  illuc  facta  omnia  et  dicta  exigenda  esse,  quia  Deus  ex  lege  sua  iudicaturus  sit  mundum.  Quia  tamen  immodicum  terrorem  incutere  poterat  talis  denuntiatio,  corrigit  vel  mitigat  duritiem  quum  addit,  l  e  g  em  l  i  b  e  r  t  a  t  i  s  .  Audimus  enim  quid  dicat  Paulus  (Galat.  3,  10):  Quicunque  scilicet  sub  lege  sunt,  maledictioni  esse  obnoxios.  Quare  iudicium  legis  per  se  reatus  erit  mortis  aeternae.  Verum  nomine  l  i  b  e  r  t  a  t  i  s  ,  a  legis  rigore  nos  liberari  significat.  Hic  sensus  non  male  quadrat.  Quamquam  si  quis  propius  expendat  quod  mox  sequitur,  videtur  Iacobus  aliud  quiddam  velle:  ac  si  dixisset:  Nisi  legis  rigorem  subire  vultis,  ne  sitis  in  proximos  nimis  rigidi.  Lex  enim  libertatis  tantundem  valet  atque  Dei  clementia,  quae  nos  a  legis  maledictione  liberat.  Atque  ita  uno  contextu  haec  legenda  erunt  cum  sequentibus,  ubi  de  iuvandis  pauperibus  disseret.  13.  Iudicium  enim.  Applicatio  est  proximae  sententiae  ad  praesens  institutum:  si  modo  secundam,  quam  attuli,  expositionem  sequi  libet.  Docet  enim,  quoniam  sola  Dei  misericordia  stamus,  eam  debere  nos  praestare  eis,  quos  Dominus  ipse  nobis  commendat.  Haec  vero  singularis  est  humanitatis  et  beneficentiae  commendatio,  quod  Deum  nobis  fore  misericordem  pollicetur  si  fratribus  tales  fuerimus.  Non  quod  Dei  misericordiam  promereatur  haec  nostra  qualiscunque  qua  prosequimur  homines:  sed  quos  Deus  adoptavit,  ut  illis  sit  indulgens  ac  facilis  pater,  eos  vult  imaginem  suam  in  terra  gestare  ac  referre:  iuxta  illud  Christi:  Estote  misericordes,  sicut  pater  vester  coelestis,  ete.  Notandum  ex  adverso,  quod  nihil  durius  aut  magis  horrendum  Dei  iudicio  potest  denuntiare.  Unde  sequitur  plusquam  miseros  esse  ac  perditos  quicunque  ad  veniae  asylum  non  confugiunt.  Et  gloriatur.  Ac  si  diceret:  Sola  est  Dei  misericordia  quae  nos  a  iudicii  formidine  liberat.  G  l  o  r  i  a  r  i  enim  accepit,  pro  victricem  aut  superiorem  esse.  Iudicium  enim  damnationis  toti  mundo  26