54:402  se  voudront  point  ranger  a  la  doctrine  de  Iesus  Christ,  et  a.  l'ordonnance  de  Dieu  son  Pere.  Mais  encores  afin  de  nous  rompre  le  coeur,  il  attribue  a.  Dieu  le  titre  de  Sauveur:  comme  s'il  disoit,  Quand  il  a  fait  ceste  ordonnance  de  prescher  son  Evangile,  quand  il  a  institue  gens  qui  servissent  en  cest  estat,  a  quelle  fin  est-ce  qu'il  a  pretendu?  A  nostre  salut.  Malheur  donc  sur  nous  quand  nous  serons  ici  comme  des  bestes  venimeuses,  que  nous  viendrons  ici  lever  les  cornes  contre  Dieu,  pour  dire,  Ie  ne  veux  point  recevoir  le  bien  qui  m'est  presente.  Et  qu'y  gagneras-tu  mal-heureuse  creature?  Ainsi  donc  sainct  Paul  n'allegue  pas  ici  simplement  la  maieste  de  Dieu  a  laquelle  nous-nous  devons  rendre  suiets,  mais  encores  il  adiouste  ce  mot  amiable,  que  Dieu  s'est  declare  nostre  Sauveur,  quand  ii  a  commande  que  son  Evangile  fust  presche:  comme  aussi  il  dit  notamment  au  premier  chapitre  des  Romains,  que  Dieu  a  voulu  qu'on  receust  sa  doctrine  en  obeissance.  Et  puis  il  adiouste  tantost  apres,  que  c'est  sa  puissance  en  salut  a.  tous  croyans.  Quand  donc  il  a  remonstre  que  Dieu  a  envoye  du  commencement  ses  Apostres,  et  qu'auiourd'huy  il  establit  les  Pasteurs  en  son  Eglise,  que  par  ce  moyen  il  procure  nostre  salut,  cognoissons  que  si  nous  luy  sommes  ingrats,  et  que  nous  ne  puissions  nous  assuiettir  pleinement  a  luy,  que  ee  sera  une  double  confusion  pour  nous,  d'autant  que  nous  avons  refuse  le  bien  qui  nous  estoit  offert.  Et  ainsi  cognoissons  que  pour  avoir  Dieu  nostre  Sauveur,  il  faut  que  nous  venions  en  son  eschole,  que  nous  soyons  enseignez  par  l'Evangile,  qui  est  Iesus  Christ.  Et  quand  ce  bien  nous  est  apporte,  que  nous  scachions  que  c'est  un  thresor  qui  surmonte  tout  ce  que  nous  pourrions  avoir  en  ce  monde.  Les  Papistes  parleront  bien  ce  langage,  Dieu  est  nostre  Sauveur:  mais  cependant  qu'est-ce  envers  eux  de  la  vertu  de  la  predication?  Scavent-ils  de  quoy  leur  doit  servir  la  venue  de  nostre  Seigneur  Iesus  Christ?  Sentent-ils  que  l'Evangile  leur  soit  la  puissance  de  Dieu  pour  leur  salut?  Mais  ils  grondent  a.  l'encontre  comme  des  bestes  sauvages,  voire  et  le  persecutent  furieusement.  Yoire?  Et  pensent-ils  que  Iesus  Christ  ait  plus  nulle  reverence  entr'eux,  quand  ils  quittent  et  reiettent  ainsi  sa  doctrine?  Ainsi  donc  notons  bien  que  si  nous  voulons  que  Dieu  nous  advoue,  il  ne  faut  point  nous  eslongner  de  sa  parole,  mais  il  nous  faut  recevoir  le  salut  qui  nous  est  presente  en  l'Evangile:  car  quand  nous  aurons  cela,  nous  avons  une  consolation  inestimable,  que  nous  ne  douterons  point  que  Dieu  ne  parface  nostre  salut,  combien  que  nous  soyons  ici  fragiles,  que  nous  soyons  suiets  a  tant  de  miseres,  si  est-ce  que  nostre  salut  nous  est  asseure.  Et  pourquoy?  Si  nous  avons  la  predication  de  l'Evangile,  c'est  pour  nous  monstrer  que  Dieu  veut  estre  26