52:402  doctrinae  genere  instituere  populum  debeat:  sed  quia  iustus  illi  honor  non  habebatur,  Paulus  suam  ei  personam  imponit  tam  in  creandis  ministris,  quam  in  tota  ecclesiae  administratione.  Quia  multi  stulte  aliam,  quam  traderet,  doctrinae  formam  appetebant:  hanc  Paulus,  aliis  repudiatis,  solam  approbat:  ac  pergere,  sicuti  coepit,  hortatur.  Primum  ergo  docet  quales  eligere  ministros  oporteat.  Inter  alias  dotes,  vult  sana  doctrina  instructum  esse,  qua  resistat  adversariis.  Hac  occasione  perstringit  Cretensium  mores:  peculiariter  tamen  Iudaeos  notat,  qui  in  ciborum  discrimine  aliisque  externis  sanctitatem  locabant.  Refellendis  eorum  ineptiis  vera  pietatis  et  christianae  vitae  exercitia  opponit.  Et  quo  propius  urgeat,  quae  singulis  vocationibus  conveniant  officia,  describit.  His  Titum  iubet  sedulo  et  assidue  insistere  :  simulque  rursum  alios  admonet  ne  audiendo  fatigentur.  Atque  hunc  redemptionis  et  salutis  per  Christum  partae  finem  esse  docet.  Quod  si  quis  contentiosus  reclamet,  vel  obtemperare  renuat,  illum  iubet  omitti.  Nunc  videmus,  non  aliud  spectare  Paulum  quam  ut  Titi  causam  suscipiat,  illique  ad  peragendum  Domini  opus  adiutricem  porrigat  manum.  Calvini  opera.  Vol.  LIL